ԵՐԵՎԱՆ, 21 նոյեմբերի — Sputnik. «Մանչեսթեր Յունայթեդի» կիսապաշտպան Հենրիխ Մխիթարյանը խնդիրներ ունի «Մանչեսթեր Յունայթեդ» ակումբում, գրում է The Sun-ը։
Պարբերականը գրում է, որ ակումբի մարզիչ Ժոզե Մոուրինյուն, ինչպես նաև նրա մարզչական շտաբը մեծ կասկածով են վերաբերվում 28-ամյա ֆուտբոլիստին։
Պորտուգալացի մասնագետը Հայ կիսապաշտպանին չէր ներառվել Նյուքասլի ԱՊԼ 12-րդ տուրի խաղի (4:1) հայտում, խաղը կայացել էր անցյալ շաբաթ օրը։ Իբր դա արվել էր «մարտավարական նկատառումներից» ելնելով։
«Նախկինի պես խնդիրներ կան Մխիթարյանի հետ։ Նա պայքարում է «Օլդ Թրաֆորդում» իր կարիերան փրկելու համար։ Մոուրինյուն և նրա թիմը մեծ կասկածներ ունեն խաղացողի վերաբերյալ, որը վերջին շաբաթների ընթացքում ակնհայտ հոգնածության նշաններ է դրսևորում», — գրում է պարբերականը։
Մխիթարյանը մեծ ջանքեր է գործադրում նախկին մարզավիճակը վերականգնելու համար։
Մխիթարյանը Դորտմունդի «Բորուսիայից» «Մանչեսթեր Յունայթեդ» է տեղափոխվել 2016 թվականի հուլիսին։ Այս խաղաշրջանում կիսապաշտպանը դաշտ է դուրս եկել 16 անգամ, 2 գոլ է խփել և 6 արդյունավետ փոխանցում կատարել։
