05:43 17 հոկտեմբերի 2019
Ուղիղ եթեր
  • USD476.76
  • GBP608.06
  • EUR526.20
  • RUB7.42
Մաթևոս Իսահակյան

Ավտոարշավորդ Մաթևոս Իսահակյան. «Հայաստան գալը երազանքներիցս մեկն է»

Из личного архива М.Исаакяна
Սպորտ
Ստանալ կարճ հղումը
64 0 0

Ֆորմուլա V8 3.5 դասի ավտովազքի աշխարհի առաջնությունում Ռուսաստանի դրոշի ներքո հանդես եկող Մաթևոս Իսահակյանը, որ ընդհանուր հաշվարկում զբաղեցրեց երկրորդ տեղը, դեռ նպատակներ ունի, որոնց իրականացման համար ժամանակ է հարկավոր:

Խաչիկ Չախոյան, Sputnik.

Ավտոարշավորդներն ընդհանրապես սիրում են ռիսկի դիմել, ու շատ հաճախ դա պատահում է հենց մրցումների ժամանակ: Մաթևոսն այդ առումով բացառություն չէ, սակայն ռուսաստանցի ավտոարշավորդը նշում է, որ ռիսկի դիմելն էլ սահման ունի: Եղել են ուժեղ վթարներ, բայց անվտանգության ժամանակակից միջոցները շատ են օգնել Մաթևոսին, և նա լուրջ վնասվածքներ չի ստացել: Ամենակարևորը, ըստ Իսահակյանի, արագ ու ճիշտ կողմնորոշվելն է մրցումների ժամանակ:

«Ես հինգ տարեկան էի, երբ հայրս ինձ ուղեկցեց դեպի ավտոսպորտ: Ամեն ինչ սկսվեց կարտինգից ու հետո շարունակություն ստացավ: Իսկ հիմա, ինչպես գիտեք, արդեն ֆորմուլա V8 3.5 դասի մրցումներում հանդես եկա SMP Racing թիմի կազմում» — Sputnik Արմենիայի հետ զրույցում պատմեց Մաթևոս Իսահակյանը:

19 տարեկան ավտոարշավորդն արդեն երկրորդ տարին է` սովորում է Միլանում: Ուսանող լինելը չի խանգարում Իսահակյանին մտածել ապագա մրցումների մասին: Բայց ինչպես պարզվում է, ավտոարշավորդները մարզվում են առանց իրենց երկաթյա նժույգների։

«Մեքենաներով մարզվելը սահմանափակված է: Մենք հիմնականում մարզվում ենք` բարելավելով ֆիզիկական պատրաստականությունը»,- ասում է նա:

2017 թվականին Ֆորմուլա V8 3.5 դասի ավտովազքի մրցումներն անցկացվեցին վերջին անգամ, բայց սա չի նշանակում, որ Մաթևոսն այլևս չի մտածում ապագա մրցումների մասին։

«Միայն ես չեմ որոշում, թե որտեղ և ինչպես շարունակել կարիերաս: Կցանկանայի հանդես գալ Ֆորմուլա-2-ում, որը վերջին քայլն է մինչև Ֆորմուլա-1-ը։ SMP Racing-ը ունի հրաշալի մի նախագիծ, որում ավտոարշավորդները մրցում են դիմացկանություն դրսևորելով: Շատ ուրախ կլինեի մասնակցել այս մրցաշարերին»,- ասաց նա։

Пилот SMP Racing Матевос Исаакян. Архивное фото
Из личного архива М.Исаакяна
Մաթևոս Իսահակյան

Հայազգի ավտոարշավորդը, խոսելով իր արմատների մասին, նշեց` պարզ է, որ ազգությամբ հայ է, բայց ծնվել է Մոսկվայում, իրեն ավելի շատ ռուսաստանցի է համարում: Ունի հայ ընկերներ, շփվում է նրանց հետ ու պատրաստվում է գալ Հայաստան։

«Ես դեռ Հայաստանում չեմ եղել, բայց ունեմ հարազատներ և բարեկամներ պատմական հայրենիքում: Շատ լավ բաներ եմ լսել Հայաստանի մասին: Առաջին իսկ հնարավորության դեպքում կայցելեմ Հայաստան»,- ասաց նա։

Մաթևոսը վստահեցրեց` Հայաստանը գալն իր երազանքներից մեկն է:

Գլխավոր թեմաներ