02:37 25 ապրիլի 2018
Ուղիղ եթեր
Հենրիխ Մխիթարյան

Ցտեսություն, Միկի. ԶԼՄ-ներն իմացել են, թե ով կլինի Մխիթարյանի փոխարեն «Մանչեսթեր Յունայթեդում»

Hakob Berberyan
Սպորտ
Ստանալ կարճ հղումը
Հենրիխ Մխիթարյան (124)
5525 0 0

Խոսակցություններն այն մասին, որ հայ կիսապաշտպանին կարող են փոխել կիսապաշպան Ժոաու Մարիուով, չէին դադարում նույնիսկ դեկտեմբերի վերջին, Մխիթարյանի վերջին խաղից հետո:

ԵՐԵՎԱՆ, 2 հունվարի — Sputnik. «Մանչեսթեր Յունայթեդի» մարզիչ Ժոզե Մոուրինյոն մտադիր է Հայաստանի հավաքականի ու «Մանչեսթեր Յունայթեդի» կիսապաշպան Հենրիխ Մխիթարյանին փոխարինել Միլանի «Ինտերի» կիսապաշտպան Ժոաու Մարիուով, հայտնում է The Sun-ը:

Նորությունն այն մասին, որ հայ կիսապաշտպանին կփոխեն Միլանի կիսապաշպանով, կարծես իրականին մոտ է, անկախ նրանից, որ դեկտեմբերի 30-ին թիմի վերջին խաղի ժամանակ ՄԽիթարյանը դաշտ դուրս եկավ:

The Sun թերթի գնահատականի համաձայն` Մխիթարյանը ՄՅ հիմնական կազմում երկու ամսվա ընթացքում առաջին անգամ դուրս եկավ «Սաութհեմփթոնի» (0:0) դեմ խաղում, սակայն իր խաղով չտպավորեց և 65-րդ րոպեին փոխարինվեց:

«Մխիթարյանը կփոխարինվի, քանի որ չի կարողանում ցուցադրել իր ողջ ներուժը Դորտմունդի «Բորուսիայից» տեղափոխվելուց հետո», — հայտնում է պարբերականը:

Անգլիական որոշ ԶԼՄ-ների տեղեկատվության համաձայն` հայ ֆուտբոլիստը դժգոհ է Մոուրինյոյի վերաբերմունքից և ցանկանում է «Բորուսիա» վերադառնալ:

28-ամյա ֆուտբոլիստով հետաքրքրվել է Միլանի «Ինտեր» ակումբը: Մոուրինյոյին իր հերթին հետաքրքրել է Միլանի ակումբի կիսապաշտպան Ժոաու Մարիուն և համաձայն է նրան փոխարինել Մխիթարյանով: Իր հայրենակցին Մոուրինյոն պատկերացնում է դաշտի կենտրոնում` որպես Մայքլ Կարիկին փոխարինող: Սպասվում է, որ վետարանը խաղաշրջանի ավարտին կավարտի իր կարիերան, և պորտուգալացի մասնագետը կարծում է, որ Ժոաու Մարիուն կարող է նրան փոխարինել:

Դեռևս «Ինտերի» և «Մանչեսթեր Յունայթեդի» միջև որևէ պաշտոնական բանակցություններ չեն ընթանում: Ակումբների ներկայացուցիչները քննարկում են միջնորդների օգնությամբ փոխանակման հնարավորությունը:

Ժոաու Մարիուն այս խաղաշրջանում հանդես չի գալիս «Ինտերի» հիմնական կազմում: Նա 11 խաղ է խաղացել Իտալիայի առաջնության ժամանակ: Կիսապաշտպանի պայմանագիրն ավարտվում է 2021 թվականի կեսերին: «Ինտերը» պորտուգալացու տրանսֆերի դիմաց անցյալ տարվա ամռանը «Սպորտինգին» 40 մլն եվրո էր վճարել:

թեմա:
Հենրիխ Մխիթարյան (124)

Գլխավոր թեմաներ