ԵՐԵՎԱՆ, 22 հունվարի — Sputnik. Հայաստանի ֆուտբոլի հավաքականի կիսապաշտպան Հենրիխ Մխիթարյանը Facebook-ում լուսանկար է հրապարակել, որում երևում է, թե ում է հետ նա նշել ծննդյան օրը։
Լուսանկարում Հենրիխ Մխիթարյանն է, նրա գործակալ Մինո Ռայոլան ու «կարմիր սատանաների» նախկին թիմակից Պոլ Պոգբան։
«Ի՞նչ եմ ստանալու ծննդյանս օրվա առթիվ…», — լուսանկարին կից գրել է Մխիթարյանը։
Հունվարի 21-ին Հենրիխը 29 տարեկան դարձավ։
Հենրիխ Մխիթարյանը լոնդոնյան ակումբի չիլիացի կիսապաշտպան Ալեքսիս Սանչեսի` «Մանչեսթեր Յունայթեդ» տեղափոխվելու գործարքի մի մասն է դարձել։
Նախնական տվյալների համաձայն` Մխիթարյանը «Արսենալում» շաբաթական 130 հազար ֆունտ ստեռլինգ է ստանալու` գումարած բոնուսները։ Գործարքը չորս տարի ժամկետով է կնքվել։
