ԵՐԵՎԱՆ, 23 հունվարի — Sputnik. Ֆուտբոլի Հայաստանի հավաքականի ավագ, «Մանչեսթեր Յունայթեդի» նախկին կիսապաշտպան և արդեն Լոնդոնի «Արսենալի» ֆուտբոլիստ Հենրիխ Մխիթարյանը ֆեյսբուքյան իր էջում հրաժեշտի խոսքով դիմել է «Մանչեսթեր Յունայթեդի» երկրպագուներին:
«Կցանկանայի իմ անկեղծ շնորհակալությունը հայտնել «Մանչեսթեր Յունայթեդի» խաղացողներին, աշխատակազմին և, հատկապես, երկրպագուներին, իրենց սիրո և աջակցության համար: Ինձ համար մեծ պատիվ էր ձեր ակումբի հետ շահել Եվրոպայի լիգան: Ես միշտ մեծ գնահատանքով կհիշեմ դրանք: Ինչպես նաև կհիշեմ «կարիճ» հարվածով իմ գոլը։ Ամեն անգամ խաղադաշտ դուրս գալիս կհիշեմ «Whoa Մխիթարյան» երգը: Կյանքը շարունակվում է»,- էջում հայ ֆուտոբլիստ:
«Մանչեսթեր Յունայթեդն» էլ իր հերթին Թվիթերի էջում հաջողություն է մաղթել Մխիթարյանին՝ մասնավորապես գրելով. «Մենք հաջողություն ենք մաղթում Հենրիխ Մխիթարյանին տեղափոխության կապակցությամբ և շնորհակալություն՝ հիշողությունների համար»:
Հիշեցնենք, որ երեկ` հունվարի 22–ին պաշտոնապես հաստատվեց Հենրիխ Մխիթարյանի տեղափոխությունը «Մանչեսթեր Յունայթեդից» Լոնդոնի «Արսենալ»։
