09:14 21 մայիսի 2018
Ուղիղ եթեր
Միքայել Միքայելյան

Հայաստանի 1–ին մարզիկի ելույթն Օլիմպիադայում. Միքայել Միքայելյանի մարզիչը գոհ է

© Sputnik / Asatur Yesayants
Սպորտ
Ստանալ կարճ հղումը
11310

Օլիմպիադայում Հայաստանի 1–ին ներկայացուցչի ելույթից և՛ ինքը, և՛ մարզիչը գոհ են։

Խաչիկ Չախոյան, Sputnik.

Փհենչհանի ձմեռային օլիմպիական խաղերում այսօր մեկնարկ վերցրեց Հայաստանի առաջին ներկայացուցիչը՝ Միքայել Միքայելյանը: Դասական սպրինտում հայ դահուկորդը հաղթողին պարտվեց 28 վայրկյան 7 79 մարզիկների մեջ զբաղեցրեց 74-րդ տեղը:

Բայց ցույց տված արդյունքից և՛ դահուկորդը, և՛ մարզիչը գոհ էին` հաշվի առնելով, որ Միքայելը դեռևս 18 տարեկան է և առաջին անգամ է մասնակցում օլիմպիական խաղերին:

Նորից նշեմ, որ օլիմպիադայի մայրաքաղաքում ոչ թե ցուրտ է, այլ շատ ցուրտ: Ջերմաստիճանը ցածր է զրոյից 12 աստիճանով: Իսկ ահավոր ուժեղ քամին, կարծես, կրկնապատկում է սառը եղանակը: Չնայած, ինչպես ասում են, պայմանները բոլորի համար հավասար էին: Բայց չմոռանանք, որ նման պայմաններում ու նման կարգի մրցումներում մեր երիտասարդ  դահուկորդն առաջին անգամն էր մրցում:

Ինչևէ, որակավորման փուլն ավարտվեց,  և Միքայել Միքաելյանն էլ ավարտեց իր ելույթները: Իսկ մեդալների համար պայքարը 80 դահուկորդից շարունակեցին 30-ը:

«Ես իմ զբաղեցրած տեղից գոհ չեմ, բայց իմ արդյունքից գոհ եմ: Եղանակային պայմանները շատ էին դժվարացրել աշխատանքը վազքուղում, բայց ես արեցի առավելագույնը, ինչ կարող էի այս պահին: Հետո, երբ տեսա, որ 28 վայրկյան եմ պարտվել հաղթող մարզիկին, չեք հավատա, բայց ուրախացա: Քայլ առ քայլ ես կբարելավեմ իմ արդյունքները: Այս ելույթն ինձ հնարավորություն է տալիս լավատես լինել ապագային նկատմամբ»,- Փհենչհանում գտնվող Sputnik Արմենիայի թղթակցի հետ զրույցում նշեց Միքայել Միքայելյանը:

  • Հայաստանի հավաքականի դահուկորդ Միքայել Միքայելյանի ելույթը Փհենչհանում
    Հայաստանի հավաքականի դահուկորդ Միքայել Միքայելյանի ելույթը Փհենչհանում
    © Sputnik / Asatur Yesayants
  • Հայաստանի հավաքականի դահուկորդ Միքայել Միքայելյանի ելույթը Փհենչհանում
    Հայաստանի հավաքականի դահուկորդ Միքայել Միքայելյանի ելույթը Փհենչհանում
    © Sputnik / Asatur Yesayants
  • Հայաստանի հավաքականի դահուկորդ Միքայել Միքայելյանի ելույթը Փհենչհանում
    Հայաստանի հավաքականի դահուկորդ Միքայել Միքայելյանի ելույթը Փհենչհանում
    © Sputnik / Asatur Yesayants
1 / 3
© Sputnik / Asatur Yesayants
Հայաստանի հավաքականի դահուկորդ Միքայել Միքայելյանի ելույթը Փհենչհանում

Ինձ համար կարևոր էր Միքայելի հետ զրուցելուց հետո հայ դահուկորդի ելույթի ու արդյունքի մասին մասնագիտական կարծիք իմանալ մարզիչ Արթուր Միքայելյանից ու դահուկային սպորտի Հայաստանի ֆեդերացիայի գլխավոր քարտուղար Գագիկ Սարգսյանից: Երկուսն էլ համարյա նույն կարծիքը հայտնեցին` նշելով, որ իրոք հաշվի առնելով մրցակիցներին, շատ բարձր արդյունք ակնկալելը դժվար էր, բայց հայ դահուկորդը արել է այն, ինչ կարող էր:

Միքայելյանի հաջորդ ելույթը օլիմպիական խաղերում լինելու է փետրվարի 16-ին: Այդ օրը հայ դահուկորդը մեկնարկ կվերցնի ազատ ոճով 15 կմ մրցատարածությունում: Իսկ մինչ այդ, փետրվարի 15-ին մրցուղի դուրս կգա Կատյա Գալստյանը: Հայ դահուկորդուհին հանդես կգա ազատ ոճով 10 կմ մրցատարածությունում:

Գլխավոր թեմաներ