ԵՐԵՎԱՆ, 27 փետրվարի — Sputnik. Խառը մարտարվեստի մարզիկ Էդուարդ Վարդանյանը Instagram սոցիալական կայքի իր էջում տեսանյութ է հրապարակել, որում երևում է, թե ինչպիսի ակտիվությամբ է նա պարապում։
Մարզիկն իր տեսանյութը մեկնաբանել է Հայաստանի ազգային հերոս Գարեգին Նժդեհի խոսքով։
«Եղիր ուժեղ, էլի ուժեղ և միշտ ուժեղ: Ժողովուրդներն ի վերջո տեր են մնում ոչ թե նրան, ինչ որ նրանց տրվում է, ինչ որ մուրում են, այլ միայն նրան, ինչի որ արժանի են, ինչ որ սեփական ուժերով ապահովել են կարողանում», — գրել է մարզիկը։
Վարդանյանի տեսանյութում հնչող երաժշտությունը դժվար է մարզական անվանել. նա հարվածները մշակում է դուդուկի ձայնի ներքո։
Վարդանյանի բաժանորդները քաջալերեն են սիրելի մարզիկին մեկնաբանություններով։ Ոմանք նշել են, որ նա կուռք է, մյուսները հաղթանակներ են մաղթել։
«Էդիկ, ամբողջ աշխարհի հայությունը քո մեջքին է կանգնած ։ Մնացածն այդքան էլ կարևոր չէ։ Մեզ բոլորիս համար դու միշտ չեմպիոն ես», — նշել է markony30 օգտատերը։
Խառը մարտարվեստի մարզիկ Էդուարդ Վարդանյանը և հունա-հռոմեական ոճի ըմբիշ Միհրան Հարությունյանն ավելի վաղ հայտարարել էին, որ պատրաստվում են մարտարվեստի դպրոց բացել Արցախում ու մարզել հայ մարզիկներին։
26-ամյա Էդուարդ Վարդանյանը խառը մենամարտի (ММА) պրոֆեսիոնալ ըմբիշ է։ Երիտասարդ մարզիկն արդեն բազում նվաճումներ և տիտղոսներ ունի․ նա մարտական սամբոյի գավաթակիր է, թաիլանդական բռնցքամարտի Ռուսաստանի առաջնության մրցանակակիր և ոչ միայն։
