00:52 23 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Վենգերն ու Մխիթարյանը

Մխիթարյանի մասին խոսելով` Վենգերը նրբորեն «կծել» է «Մանչեսթերին». Metro

© REUTERS / John Sibley
Սպորտ
Ստանալ կարճ հղումը
50301

Հենրիխ Մխիթարյանը շատ արագ հարմարվեց թիմին, ինչը, ըստ «Արսենալի» գլխավոր մարզիչ Արսեն Վենգերի, զարմանալի չէ։

ԵՐԵՎԱՆ, 14 մարտի — Sputnik. Զարմանալի չէ, որ Հենրիխ Մխիթարյանն անմիջապես ընտելացել է «Արսենալի» խաղին։ Ինչպես հայտնում է բրիտանական Metro պարբերականը, այս մասին այսօր կայացած ասուլիսի ժամանակ ասել է լոնդոնյան ակումբի մարզիչ Արսեն Վենգերը։

Պարբերականը նրա ասածը «Մանչեսթերին» ուղղված նուրբ ակնարկ է որակել։

Հունվարին «Մանչեսթեր Յունայթեդը» Մխիթարյանին փոխանակեց չիլիացի հարձակվող Ալեքսիս Սանչեսի հետ, որը դեռ չի հարմարվել «կարմիր սատանաների» կազմում և տասը խաղի ընթացքում միայն մեկ գնդակ է ուղարկել դարպաս։

«Իսկ Մխիթարյանը լավ է իրեն դրսևորում, թեև մեկնարկն այդքան էլ հաջող չէր։ Գրոհող (իր ոճով) «Արսենալում» հայ կիսապաշտպանը բացվեց. հունվարի վերջից նա արդեն 6 գոլային փոխանցում է կատարել, իսկ վերջին երկու խաղերում մեկական գոլ խփել»,- նշում է պարբերականը։

Մարտի 16-ին պատասխան խաղ է կլինի «Միլանի» հետ Եվրոպայի լիգայի 1/8-ում (Մխիթարյանն առաջին խաղում «Արսենալի» կազմում իր առաջին գոլը խփեց)։ Խաղից առաջ Վենգերը լավ է տրամադրված։

«Նա բավականին արագ ընտելացավ խաղին և հարմարվեց թիմին, նրան լավ ընդունեցին։ Կարծում եմ` նրան սազում է մեր խաղաոճը։ Սակայն ես չեմ զարմանում, երբ խաղացողները լավ են հանդես գալիս։ Ես հենց դա էլ սպասում եմ նրանցից», — ասել է Վենգերը։

Գլխավոր թեմաներ