ԵՐԵՎԱՆ, 26 ապրիլի — Sputnik. Ամերիկահայ բռնցքամարտիկ Վանես Մարտիրոսյանն առաջիկա մարտում հույս ունի հաղթել ղազախ Գենադի Գոլովկինին, որը նրա կնոջ «սիրելիների» շարքում է։
Նա ուրախ է, որ կարող է բոլորին ցույց տալ` որքան լավ կարող է ելույթ ունենալ։ Այս մասին հայտնում է Boxing Scene պարբերականը։
«Ինձ թարմ և ուժեղ եմ զգում։ Գենադիի երկրպագուները կզարմանան։ Այո, մենք մեքսիկացի չենք, բայց երաշխավորում եմ, որ մեր մենամարտը նման կլինի երկու մեքսիկացու մարտին։ Մի անգամ հարցրել եմ կնոջս` բացի ինձանից ով է նրա սիրելի բռնցքամարտիկը։ Նա ասաց, ո Գենադի Գոլովկինը։ Այնպես որ հիմա պետք է տապալեմ նրան», — ասել է Մարտիրոսյանը։
Հայ բռնցքամարտիկը WBC, IBF, IBO և WBA միջին քաշում չեմպիոն Գենադի Գոլովկինի հետ կմենամարտի մայիսի 5-ին Կալիֆոռնիայում։