15:22 09 օգոստոսի 2020
Ուղիղ եթեր
  • USD485.00
  • GBP634.96
  • EUR573.17
  • RUB6.58
Սպորտ
Ստանալ կարճ հղումը
128 0 0

Հանրահայտ գեղասահորդ Եվգենյա Մեդվեդևան որոշել է հեռանալ իր մարզչից, և այդ որոշումը բազմաթիվ մեկնաբանությունների առիթ է դարձել։

ԵՐԵՎԱՆ, 5 մայիսի — Sputnik. Առաջնորդի հատկություններով օժտված և միշտ հաղթելու պատրաստ երկու գեղասահորդները չեն կարող խաղաղ գոյակցել նույն մարզչի թիմում, հայտարարել է հայտնի ռուս գեղասահորդ, օլիմպիական չեմպիոն Ալեքսեյ Յագուդինը` մեկնաբանելով գեղասահորդ Եվգենյա Մեդվեդևայի՝ մարզչից հեռանալու որոշումը։

Հիշեցնենք` նախօրեին հայտնի է դարձել, որ 2018թ-ի օլիմպիական խաղերի արծաթե մեդալակիր Եվգենյա Մեդվեդևան որոշել է լքել մարզիչ Էթերի Տուտբերիձեին։

Յագուդինը նույնպես բախվել է նման իրավիճակի, երբ Ալեքսեյ Միշինի թիմից տեղափոխվել է Տատյանա Տարասովայի մոտ։

«Ես նախկինում էլ եմ ասել, որ հաղթելու պատրաստ երկու մարզիկները չեն կարող հարմարվել մի մարզչի մոտ, որքան էլ նա փորձի ամեն ինչ ճիշտ անել։ Ես դատում եմ` ելնելով այն իրավիճակից, որը եղել է Պլյուշչենկոյի և Միշինի հետ. կարելի է միասին մարզվել, բայց ինչ-որ մեկն ամեն դեպքում հոգեբանորեն ճնշված կլինի», — ընդգծել է մարզիկը։

Նա ասել է, որ ամեն դեպքում կարելի է ողջունել Մեդվեդևայի որոշումը, որը նույնպիսի առաջնորդ է կանանց գեղասահքում, ինչպիսին օլիմպիական չեմպիոն Զագիտովան է՝ Տուտբերիձեի թիմի մեկ այլ ուժեղ գեղասահորդուհին։

Եվգենյա Մեդվեդևայի (հոր կողմից՝ Բաբասյան) մայրը՝ Ժաննա Մեդվեդևան, չի մեկնաբանել դստեր որոշումը։

«Ես ոչինչ չեմ մեկնաբանում, ներեցեք», — պատասխանել է Ժաննա Մեդվեդևան ռուս լրագրողների հարցերին։

Հայտնի մարզիչ Ալեքսեյ Միշինը մեկնաբանել է Մեդվեդևայի որոշումը։

«Բաժանություններ եղել են, կան և կլինեն։ Մարզիկների տեղափոխություններ եղել են, կան և կլինեն։ Ավելի լավ չես ասի։ Կյանքը ցույց կտա` դա առաջ գնալու քայլ էր, թե ոչ», — ասել է նա։
Էթերի Տուտբերիձեն մարզել է տաղանդավոր գեղասահորդներից շատերին։ Նա պատանիներին մարզելու մասնագետ է։ Էթերին և նրա թիմն աշխատել են Յուլյա Լիպնիցկայայի, Եվգենյա Մեդվեդևայի, Ալինա Զագիտովայի հետ, որոնց փոխարինելու են գալիս Ալեքսանդր Տրուսովան, Աննա Շչերբակովան։

Ըստ թեմայի

Տաղանդավոր Մեդվեդևա–Բաբասյանը ցույց է տվել` ինչպես է հանգստանում աշխարհի չեմպիոնը
«Իսկական մատնաչափիկ» Մեդվեդևա–Բաբասյանը չի հավատում ճակատագրին
Գեղասահորդուհի Մեդվեդևա–Բաբասյանը խոսել է քաղաքացիությունը փոխելու մասին

Գլխավոր թեմաներ