ԵՐԵՎԱՆ, 19 մայիսի — Sputnik. «Ռիո-2016»-ի օլիմպիական փոխչեմպիոն, Հայաստանի հունահռոմեական ըմբշամարտի հավաքականի անդամ Միհրան Հարությունյանը այսօր նորամուտը կնշի խառը մենամարտերում:
Ռուսաստանի Ռոստով քաղաքում Fight Nights Global մրցաշարի շրջանակում հայ մարզիկն ուժերը կչափի իրանցի Ալի Յուսեֆի հետ:
Երեկ կայացել է մարզիկիների կշռման արարողությունը:
Նշենք, որ Միհրանն ավելի վաղ հայտնել էր, որ մայիսի 19-ին Երևան է գալու։
Միհրան Հարությունյանի հաջողության գաղտնիքը. ո՞վ է օգնում ըմբշամարտիկին հաղթել
Հունահռոմեական ոճի հայ ըմբիշ, Ռիոյի օլիմպիադայի արծաթե մեդալակիր Միհրան Հարությունյանը հիրավի ժողովրդական չեմպիոն դարձավ, երբ Ռիոյի օլիմպիադայում անարդար մրցավարության պատճառով զրկվեց ոսկե մեդալից։ Նշենք, որ այդ ժամանակ Միհրանը ելույթ էր ունենում ուսի վնասվածքով։
