08:00 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
Արթուր Սողոմոնյան

«Փյունիկի» սեփականատերը պատմել է Նեմեց Ռուբոյի վերջնագրերի մասին

© Sputnik / Asatur Yesayants
Սպորտ
Ստանալ կարճ հղումը
37530

Հայաստանի ֆուտբոլայի ֆեդերացիայի նախագահ Ռուբեն Հայրապետյանի բռնապետական քաղաքականությունը ֆեդերացիայի պառակտման է հանգեցրել, հայտարարել է «Փյունիկ» ֆուտբոլային ակումբի սեփականատերը։

ԵՐԵՎԱՆ, 16 հուլիսի — Sputnik. Հայաստանի մի քանի ֆուտբոլային ակումբներ պատրաստվում են պրոֆեսիոնալ լիգա ստեղծել։ Այս մասին լրագրողների հետ հանդիպմանը հայտարարեց «Փյունիկ» ֆուտբոլային ակումբի սեփականատեր Արթուր Սողոմոնյանը։

Նրա խոսքով` ցավոք, Ֆուտբոլայի ֆեդերացիան չի նպաստում թիմերի համերաշխությանը։ ՀՖՖ վերջին նիստում որոշվել է մի քանի ակումբներ հեռացնել ՀՖՖ-ից։

«Մենք կհայտնենք մեր կարծիքը։ Մենք դեմ ենք, որ «Շիրակի» պես թիմին հեռացնեն և զրկեն ձայնի իրավունքից։ Եթե ակումբի տերը (պատգամավոր Արման Սահակյանը` խմբ.) ինչ-որ անձնական խնդիրներ ունի Ռուբեն Հայրապետյանի հետ, դա չպետք է վերաբերի ֆուտբոլին։ Մենք հասկացանք, որ այստեղ ավելի շատ անձնական հավակնությունների հարց է», — ասաց Սողոմոնյանը։

Երբ նա ելույթ է ունեցել ի պաշտպանություն «Շիրակի» (թիմից հանել են 12 միավոր` մեղադրելով պայմանավորված խաղի մեջ` խմբ.), «Փյունիկի» նկատմամբ վերաբերմունքը կտրուկ փոխվել է, և ակումբը «մերժված» է դարձել ֆեդերացիայի ղեկավարության համար։

Դրանից հետո ֆեդերացիան թույլ չի տվել «Փյունիկին» մարզվել իր դաշտերում Եվրոպայի լիգայում մակեդոնական «Վարդարի» հետ խաղի նախօրեին։ «Փյունիկը» հաղթել է այդ խաղում (1։0), բայց ստիպված է եղել պատրաստվել այլ դաշտերում։

«Մեզ սկզբից տարբեր պատճառներ էին բերում. մեկ սիզախոտն է ինչ-որ բանով վարակված, մեկ ուրիշ բան։ Այդ ժամանակ ես հարցրի Հայրապետյանին, թե ինչն է պատճառը և խնդրեցի ուղիղ, տղամարդավարի պատասխանել։ Նա ասաց. «Քանի ես այստեղ եմ, քո թիմը չի լինի այս դաշտերում»», — ասաց Սողոմոնյանը։

Նման մոտեցումն անթույլատրելի է, ֆեդերացիան մի մարդու սեփականությունը չէ, նույնիսկ դրա նախագահի։ Բայց նա և ղեկավարությունը, ինչպես երևում է, այլ կերպ են մտածում։ Ուստի, ինչպես նշեց Սողոմոնյանը, ստիպված են մտածել առանձին լիգա ստեղծելու մասին։

Բայց այս որոշումն իրավիճակային է։ Եթե հարցը դիտարկվի ընդհանուր առմամբ, ապա ՀՖՖ նախագահի ընտրություններում, որոնց մասին ավելի հաճախ են սկսել խոսել, «Փյունիկի» ղեկավարությունը պատրաստ է քվեարկել այլընտրանքային թեկնածուի օգտին։

Ըստ թեմայի

Ո՞վ կփոխարինի Ռուբեն Հայրապետյանին. կոնկրետ անուն է շրջանառվում. «Փաստ»
Ռուբեն Հայրապետյանը հրաժարվեց վարել Ֆեդերացիայի տարեկան ժողովը
«Շիրակ» ֆուտբոլային ակումբի երկրպագուները պահանջում են Ռուբեն Հայրապետյանի հրաժարականը
թեգերը:
Ռուբեն Հայրապետյան, Հայաստան

Գլխավոր թեմաներ