ԵՐԵՎԱՆ, 16 հոկտեմբերի — Sputnik. Բազկամարտիկ Դավիթ Դադիկյանը ոսկե մեդալակիր է դարձել։
Ինչպես տեղեկացնում են Հայաստանի բազկամարտի ֆեդերացիայի մամուլի քարտուղարությունից, Թուրքիայում ընթացող բազկամարտի աշխարհի առաջնության մրցումային առաջին օրը Հայաստանի ներկայացուցիչ, 90կգ քաշային Դավիթ Դադիկյանը երիտասարդների պայքարում ձախ ձեռքով ոսկե մեդալ է նվաճել:
Նշենք` Դավիթ Դադիկյանն աշխարհի ու Եվրոպայի գործող չեմպիոն է, իսկ Թուրքիայի Անթալիա քաղաքում ընթացող ԱԱ-ի եզրափակչում մեր մարզիկն առավելության է հասել Ղազախստանը ներկայացնող բազկամարտիկ Արտյոմ Մոռոզովի նկատմամբ:
Այսօր` հոկտեմբերի 16-ին, Հայաստանի ներկայացուցիչները պայքարը կշարունակեն աջ ձեռքով: