17:36 15 նոյեմբերի 2018
Ուղիղ եթեր
  • USD487.27
  • GBP622.97
  • EUR549.69
  • RUB7.31
Միհրան Հարությունյան

«Դա իմը չէ». Միհրան Հարությունյանը խոսել է աբխազ կնոջ և քաղաքականության մասին. բացառիկ

© Sputnik / Asatur Yesayants
Սպորտ
Ստանալ կարճ հղումը
278440

Ըմբիշը քաղաքականությամբ չի հետաքրքրվում և չի զղջում, որ աբխազի հետ է ամուսնացել։

ԵՐԵՎԱՆ, 6 նոյեմբերի — Sputnik. Հունահռոմեական ոճի ըմբշամարտիկ Միհրան Հարությունյանի աբխազ կինն ամուսնուն չի կտրել արմատներից և հայրենիքից։ Հայտնի մարզիկն այս մասին ասաց Sputnik Արմենիայի թղթակցին։

«Հայաստանն ինձ չի կորցրել։ Կինս որդիներ և դուստրեր կպարգևի Հայաստանին։ Նրանք կիմանան, որ հայ են, կիմանան Հայաստանի պատմությունն ու ազգային ավանդույթները», – ասաց նա` ավելացնելով, որ իր մոտ ամեն ինչ լավ է, չի զղջում ընտրության համար։

Նա Հայաստանն իր «առաջին մայրն» է համարում, սակայն խոստովանում է, որ Ռուսաստանի հանդեպ սերն էլ քիչ չէ, քանի որ այնտեղ է մեծացել և կայացել որպես մարդ ու ըմբիշ։ Այժմ Մոսկվայում է բնակվում, բայց ժամանակ առ ժամանակ այցելում է պատմական հայրենիք` մոր մոտ։ Նա սիրում է զբոսնել և նայել մարդկանց, շատ է սիրում Էջմիածինը։

«Հնագույն եկեղեցիները, խնկի բույրն ու միայնակության զգացողությունն Աստծու հետ մտերմության տպավորություն են ստեղծում։ Սիրում եմ մենակ լինել», – ասաց Հարությունյանը։

Ըմբիշը խոստովանեց նաև, որ քաղաքականություն չի սիրում և քիչ է հետաքրքրվում քաղաքականությամբ։ Կարևորը, որ խաղաղություն լինի, մնացածը երկրորդական է համարում։ Քաղաքական հավակնություններ չունի և մտադիր է շարունակել մարզական կարիերան։ Հարությունյանը վստահեցնում է, որ կանի ամեն ինչ, որպեսզի ապագա սերունդն առողջ լինի, մարզված, «սրտով, մարմնով և գլխով» ուժեղ։

Հունահռոմեական ոճի հայ ըմբիշ, Ռիոյի օլիմպիադայի արծաթե մեդալակիր Միհրան Հարությունյանը հիրավի ժողովրդական չեմպիոն դարձավ, երբ Ռիոյի օլիմպիադայում անարդար մրցավարության պատճառով զրկվեց ոսկե մեդալից։ Նշենք, որ այդ ժամանակ Միհրանը ելույթ էր ունենում ուսի վնասվածքով։

Միհրանն այժմ մասնակցում է խառը մենամարտերին (MMA)։ Նա MMA-ում նորամուտը նշել էր այս տարվա մայիսին՝ Ռոստովում հաղթելով իրանցի Ալի Յուսեֆիին:

© Sputnik / Алексей Стефанов, Арпи Бегларян
Միհրան Հարությունյանի հարցազրույցը

Ըստ թեմայի

Մարզիկ Միհրան Հարությունյանը հուզիչ տեսանյութ է հրապարակել ծերանոցից
Հայ ըմբիշ Միհրան Հարությունյանն իր ամենաառաջին լուսանկարն է ցուցադրել` մոր գրկում
Միհրան Հարությունյանը զարմացրել է իր գերունակություններով. Տեսանյութ
Միհրան Հարությունյանի հաջողության գաղտնիքը. ո՞վ է օգնում ըմբշամարտիկին հաղթել
թեգերը:
Ռուսաստան, Հայաստան

Գլխավոր թեմաներ