ԵՐԵՎԱՆ, 14 դեկտեմբերի — Sputnik. Լոնդոնի «Արսենալ» ակումբի և ադրբեջանական «Ղարաբաղ» ակումբի խաղի ժամանակ հայ երկրպագուն խաղադաշտ է մտել արցախյան պատերազմի ազգային հերոս Մոնթե Մելքոնյանի պատկերով շապիկը հագին, իսկ ձեռքին` Արցախի դրոշը։ Այս մասին հայտնում է Daily Mirror պարբերականը։
«Հայ երկրպագուն Ղարաբաղի դրոշով ներխուժեց խաղադաշտ և վազեց Հայաստանի հավաքականի ավագ և «զինագործների» կիսապաշտպան Հենրիխ Մխիթարյանի կողմ», – գրված է հաղորդագրության մեջ։
Եվրոպա լիգայի խմբային փուլի վերջին տուրում Լոնդոնի «Արսենալը» երեկ սեփական հարկի տակ ընդունեց ադրբեջանական «Ղարաբաղին»։ Հայաստանի հավաքականի ավագ Հենրիխ Մխիթարյանն այս խաղի ժամանակ խաղադաշտ դուրս չեկավ։
Խաղն ավարտվեց ադրբեջանական թիմի պարտությամբ։ Բացի այդ, «Ղարաբաղը» զրկվեց Եվրոպայի լիգայի հետագա խաղերին մասնակցելու հնարավորությունից։
Ինչպես է հայ տղան Արցախի դրոշով մտնում դաշտ ադրբեջանական ակումբի խաղի ժամանակ. տեսանյութ
