08:37 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Հենրիխ Մխիթարյանը «Սաութհեմփթոնի» դարպասին խփած գոլից հետո. 16 դեկտեմբերի 2018 թ.

Մխիթարյանի գոլն ու գոլային փոխանցումը ապահովում են «Արսենալի» հաղթանակը

© REUTERS / JOHN SIBLEY
Սպորտ
Ստանալ կարճ հղումը
58030

Վնասվածքից հետո խաղադաշտ վերադարձած հայ ֆուտբոլիստի խաղին տարբեր գնահատականներ են տալիս:

ԵՐԵՎԱՆ, 24 փետրվարի — Sputnik. Անգլիական Պրեմիեր լիգայի 27-րդ տուրում Լոնդոնի «Արսենալը» սեփական հարկի տակ հաղթանակի հասավ «Սաութհեմփթոնի» նկատմամբ:

Խաղի ընթացքում զինագործների կազմում իր արդյունավետությամբ աչքի ընկավ Հենրիխ Մխիթարյանը, որի գոլային փոխանցումից ու գոլից հետո Ունայ Էմերիի թիմը երեք միավոր վաստակեց:

Մխիթարյանը  գրավելով «Սաութհեմփթոնի» դարպասը, իր խփած գոլերի թիվը Պրեմիեր լիագայի առաջնությունում հասցրեց հինգի: Հատկանշական է, որ վերջին անգամ Պրեմիեր լիգայում հայ ֆուտբոլիստը աչքի էր ընկել հենց «Սաութհեմփթոնի» հետ խաղում: 2018 թվականի դեկտեմբերի 12-ին Հենրիխի դուբլը չփրկեց «Արսենալին» պարտությունից «Սենտ Մերիս» ստադիոնում( «Արսենալը» պարտվեց այդ խաղում 2:3 հաշվով): Իսկ այս անգամ Մխիթարյանի արդյունավետությունը առաջին կեսում արդեն ապահովեց հաղթանակը մրցակցի նկատմամբ: Մրցակցի դարպասի գրավումը յուրաքանչյուր ֆուտբոլիստի վստահություն է ներշնչում: Չի բացառվում, որ այս գոլից հետո Հենրիխի արդյունավետության ցուցանիշն էլ ավելի կբարելավվի:

Վնասվածքից հետո խաղադաշտ վերադարձած հայ ֆուտբոլիստի խաղին տարբեր գնահատականներ են տալիս: Մեկին Հենրիխի խաղը դուր է գալիս, մյուսի կարծիքով նա չի արդարացնում սպասելիքները: Նախ և առաջ` պետք է հաշվի առնել, որ հայ ֆուտբոլիստը հիմա իր մարզավիճակի գագաթնակետին չի կարող լինել:

Անցյալ տարվա դեկտեմբերի 19-ին կայացած Անգլիայի լիգայի գավաթի խաղարկության «Տոտենհեմի» հետ խաղից հետո Մխիթարյանը ապաքինվում էր վնասվածքից: Ու մեկ ու կես ամիս բացակայելուց հետո դժվար է անմիջապես բարձր մակարդակի խաղ ցուցադրելը:

Ի դեպ «Արսենալը» այս հաղթանակից հետո մրցաշարային աղյուսակում շրջանցեց «Մանչեսթեր Յունայթեդին» և զբաղեցնում է չորրորդ տեղը, ինչը Չեմպիոնների լիգայի «գոտի» է համարվում: Մանկունյացիները այսօր, տուրի կենտրոնական խաղում, ոչ-ոքի՝ 0:0 ավարտեցին հանդիպումը «Լիվերպուլի» հետ:

Ըստ թեմայի

Մխիթարյանը` ֆուտբոլի, լեզուների իմացության և այլնի մասին. ֆուտբոլիստի օնլայն հարցազրույցը
Հենրիխ Մխիթարյանը ընկերների հետ տոնում է հոբելյանը. տեսանյութ
«Արսենալը» շնորհավորել է Հենրիխ Մխիթարյանին
Շուտով կվերադառնամ. Հենրիխ Մխիթարյանը տեսանյութ է հրապարակել
թեգերը:
ֆուտբոլ, Հենրիխ Մխիթարյան

Գլխավոր թեմաներ