01:45 27 մարտի 2019
Ուղիղ եթեր
  • USD486.15
  • GBP641.62
  • EUR550.13
  • RUB7.56
«Արսենալի» ֆուտբոլիստները

«Արսենալ»–«Տոտենհեմ» հանդիպումն ավարտվեց. Մխիթարյանն ամեն ինչ արեց, իսկ Օբամեյա՞նգը

© REUTERS / ANDREW COULDRIDGE
Սպորտ
Ստանալ կարճ հղումը
Հենրիխ Մխիթարյան (182)
36130

Հենրիխ Մխիթարյանը հերթական անգամ «Արսենալի» կազմում լավագույններից էր Պրեմիեր լիգայի հաշվետու խաղում, բայց հայ ֆուտբոլիստի ջանքերը հաղթանակ չապահովեցին զինագործներին:

ԵՐԵՎԱՆ, 2 մարտի– Sputnik. Անգլիայի Պրեմիեր լիգայի 29-րդ տուրի շրջանակում կայացած «Տոտենհեմ»-«Արսենալ» հանդիպումն ավարտվեց ոչ–ոքի հաշվով։

Հայաստանի ազգային հավաքականի կիսապաշտպան Հենրիխ Մխիթարյանն ամբողջ խաղի ընթացքում մեծ ծավալի աշխատանք կատարեց, ու չնայած նրան, որ հայ ֆուտբոլիստին չհաջողվեց երրորդ խաղում անընդմեջ գոլի հեղինակ դառնալ, հենց Հենրիխի փոխանցումը կարող էր հաղթանակ բերել «Արսենալին», բայց…

Անգլիական Պրեմիեր լիգայի առաջնության 29-րդ տուրում «Արսենալը» չորրորդ անընդմեջ հաղթանակը տոնելու հիանալի հնարավորություն ուներ, բայց ձեռքից բաց թողեց հաղթանակը: Հյուսիսլոնդոնյան դերբիում զինագործները լարված պայքարում սկզբունքային մրցակցի՝ «Տոտենհեմի» հետ խաղում մեկական գնդակ փոխանակելուց հետո հանդիպման 90-րդ րոպեին 11 մետրանոցի իրավունք ստացան, սակայն Պիեր Էմերիկ Օբամեյանգի հարվածը հետ մղեց դարպասապահ Ուգո Լյորիսը:

Խաղի մեկնարկում Արոն Ռեմզիի խփած գոլից հետո «Արսենալը» երկար ժամանակ առջևում էր հաշվի մեջ: Բայց հիմնական ժամանակի ավարտից 15 րոպե առաջ մրցավարը վիճելի 11–մետրանոց նշանակեց «Արսենալի» դարպասին, ու Հարի Քեյնը վերականգնեց հաշվի հավասարակշռությունը: Հանդիպման լարվածությունը հասավ գագաթնակետին խաղի վերջին վայրկյաններին, երբ Մխիթարյանի փոխանցումից հետո Օբամեյանգի նկատմամբ կանոնները խախտեցին դաշտի տերերը: Սակայն գաբոնցի հարձակվողը դիպուկ չգտնվեց:

Սա առաջին ոչ-ոքին էր «Տոտենհեմի» համար, ինչը պահպանեց միավորների տարբերությունը մայրաքաղաքը ներկայացնող երկու թիմերի միջև: Հաջորդ տուրում, մարտի 10-ին «Արսենալը» մրցելու է «Մանչեսթեր Յունայթեդի» հետ: Միգուցե նախկին թիմի դեմ խաղում նորից կփայլատակի Մխիթարյանի աստղը:

թեմա:
Հենրիխ Մխիթարյան (182)

Ըստ թեմայի

Հենրիխ Մխիթարյանի թիմը պարտություն կրեց բելառուսական ԲԱՏԷ-ից
Մխիթարյանը` ֆուտբոլի, լեզուների իմացության և այլնի մասին. ֆուտբոլիստի օնլայն հարցազրույցը
Մխիթարյան. «Այն ժամանակ չկային այս գործակալները, չկային ներկայիս պայմանները»
Մխիթարյանի գոլն ու գոլային փոխանցումը ապահովում են «Արսենալի» հաղթանակը
Մխիթարյանի հաղթարշավը. նա գոլի ու գոլային փոխանցումների հեղինակ դարձավ
թեգերը:
Հենրիխ Մխիթարյան

Գլխավոր թեմաներ