21:17 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Արթուր Ալեքսանյան

Արթուր Ալեքսանյանի անվան նոր դպրոց կառուցելու համար կհատկացվի 480 մլն դրամ

ArmSport
Սպորտ
Ստանալ կարճ հղումը
140 0 0

Գյումրիի քաղաքապետարանի կողմից հատկացվելիք ֆինանսական միջոցներով էլ Ալեքսանյանի անվան հին մարզադպրոցը վերակառուցվելու է ու ծառայելու է օլիմպիական նոր չեմպիոններ կրթելու համար:ց

ԵՐԵՎԱՆ, 7 մայիսի — Sputnik. Օլիմպիական չեմպիոն Արթուր Ալեքսանյանի մարզադպրոցը կառուցելու համար կառավարությունը հատկացնելու է մոտ 480 մլն դրամ:

Այս մասին այսօր լրագրողների հետ հանդիպման ընթացքում ասաց սպորտի և երիտասարդության հարցերի նախարարի պաշտոնակատար Գաբրիել Ղազարյանը` տեղեկացնելով, որ օլիմպիական չեմպիոն, հունահռոմեական ոճի ըմբիշ Արթուր Ալեքսանյանի անվան դպրոց Գյումրիում կառուցվելու է հիմքից, իսկ հին դպրոցը կվերանորոգվի պատանի ըմբիշների համար:

Արթուր Ալեքսանյանի դպրոցի վերանորոգման հարցը քննարկվում է արդեն երկար տարիներ: Կրթօջախը, որտեղ իր մարզական վարպետությունն է անցել ու հղկել օլիմպիական չեմպիոնը, գտնվում է խիստ անմխիթար վիճակում: Մարզադպրոցը վերանորոգելու որոշումներ եղել են մի քանի անգամ, հաշվարկներ էլ եղել` պահանջվող ֆինանսի չափը ճշտելու համար, բայց սայլը տեղից չէր շարժվում:

Հիմա, ամենայն հավանականությամբ, սառույցը տեղից շարժվելու է: Սպորտի և երիտասարդության հարցերի նախարարի պաշտոնակատարը նշեց, որ ոչ թե հին մարզադպրոցը կվերանորոգվի, այլ կկառուցվի հիմնովին նորը և այլ տեղում: Նոր մարզադպրոցի կառուցման համար հատկացվելու է մոտ 480 մլն դրամ: Թե Գյումրիում կոնկրետ որտեղ է կառուցվելու մարզադպրոցը, պարզ կդառնա, երբ Հանրապետության երկրորդ քաղաքում տեղ հատկացնելու որոշումը լինի:

Միևնույն ժամանակ Գյումրիի քաղաքապետարանի կողմից հատկացվելիք ֆինանսական միջոցներով Ալեքսանյանի անվան հին մարզադպրոցը վերակառուցվելու է ու ծառայելու է օլիմպիական նոր չեմպիոններ կրթելու համար: Ստացվում է, որ մեկի փոխարեն Գյումրիում կգործի ըմբշամարտի 2 դպրոց, ինչն, անկասկած, լավ կլինի ոչ միայն գյումրեցիների, այլ նաև Հայաստանի ամբողջ մարզաշխարհի համար:

Ըստ թեմայի

Արթուր Ալեքսանյանի հնարքը լավագույնն է ճանաչվել
Արթուր Ալեքսանյանի ու Մաքսիմ Մանուկյանի հաղթարշավը. հայ ըմբիշները կպայքարեն ոսկու համար
Գողություն Գյումրու դպրոցներից մեկում. տնօրենն Արթուր Ալեքսանյանի մայրն է
թեգերը:
Արթուր Ալեքսանյան, Գյումրի

Գլխավոր թեմաներ