08:05 24 մայիսի 2019
Ուղիղ եթեր
  • USD479.98
  • GBP606.50
  • EUR534.46
  • RUB7.42
Հենրիխ Մխիթարյան

«Արսենալում» վրդովված են․ Մխիթարյանին ստիպում են բաց թողնել ԵԼ-ն ազգության պատճառով

© Sputnik / Алексей Филиппов
Սպորտ
Ստանալ կարճ հղումը
155 0 0

Բրիտանական ԶԼՄ-ներն ընդգծում են այն հանգամանքը, որ ակումբը պարտավոր չէ մտածել եզրափակիչից դուրս գալու մասին, իսկ ՈՒԵՖԱ-ի իրավասության տակ գտնվող խաղացողը չպետք է զգա, որ իրեն ստիպում են բաց թողնել առաջնության եզրափակիչներից մեկը ազգային պատկանելության պատճառով։

ԵՐԵՎԱՆ, 16 մայիսի — Sputnik. «Արսենալը» մտադիր է տանը թողնել հայ կիսապաշտպան Հենրիխ Մխիթարյանին՝ բացառելով նրա մասնակցությունը Եվրոպայի լիգայի եզրափակիչում, որը տեղի կունենա Բաքվում մայիսի 29-ին։ Ակումբի խաղացողները, պատասխանատուները և երկրպագուները դժգոհել են, որ խաղացողներից մեկը ստիպված է նման լուրջ խաղ բաց թողնել անվտանգության խնդիրների և ազգության պատճառով։ Այս մասին գրում է The Guardian-ը։

Ավելի վաղ «Արսենալը» ՈՒԵՖԱ-ից և Ադրբեջանից անվտանգության երաշխիքներ էր պահանջել իր ֆուտբոլիստի համար։ Մխիթարյանն արդեն երկու անգամ բաց է թողել ադրբեջանական թիմերի հետ Եվրագավաթի խաղերը։

«Ֆուտբոլիստների անվտանգությունը կարևորագույն հարց է։ Մենք երաշխիքներ ենք ակնկալում ՈՒԵՖԱ-ից, որ Հենրիխ Մխիթարյանի ուղևորությունը Բաքու անվտանգ կլինի։ Առայժմ ընդունելի երաշխիքներ չեն եղել։ Հույս ունենք, որ ՈՒԵՖԱ-ն կկարողանա անհապաղ տրամադրել դրանք», - հայտարարել են «Արսենալում»։

Ինչպես նշում է բրիտանական պարբերականը, թե՛ ակումբը, թե՛ խաղացողը խորապես հիասթափված են։ Չէ՞ որ Մխիթարյանը ուժեղ խաղացող է, որը երկու տարի առաջ գոլ է խփել Եվրոպայի լիգայի եզրափակիչում Ստոկհոլմում «Մանչեսթեր Յունայթեդի» կազմում։

«Արսենալը» իրատեսական չի համարում առաջնությունից թիմի դուրս գալը՝ ի նշան բողոքի, քանի որ այդ ամենը շատ կարևոր է, այդ թվում՝ Չեմպիոնների լիգայում որակավորման առումով։

Պարբերականն ընդգծում է այն հանգամանքը, որ ակումբը պարտավոր չէ մտածել եզրափակիչից դուրս գալու մասին, իսկ ՈՒԵՖԱ-ի իրավասության տակ գտնվող խաղացողը չպետք է զգա, որ իրեն ստիպում են բաց թողնել առաջնության եզրափակիչներից մեկը ազգային պատկանելության պատճառով։ Նշվում է, որ Մխիթարյանի թիմակիցները վշտացած են, որովհետև նրանք, ամենայն հավանականությամբ, ստիպված կլինեն ճանապարհորդել առանց Հենրիխի։

Հիշեցնենք, որ Եվրոպայի լիգայի եզրափակիչը կկայանա մայիսի 29-ին։ «Արսենալը» Բաքվում կհանդիպի «Չելսիին»։

Ըստ թեմայի

Հենրիխ Մխիթարյանը կկարողանա մեկնել Բաքու. ՈՒԵՖԱ
Խնդիր չի լինի. Ադրբեջանի ԱԳՆ–ն երաշխավորում է Հենրիխ Մխիթարյանի անվտանգությունը
Հայտնի է Հենրիխ Մխիթարյանի հարսանիքի հստակ օրը
թեգերը:
Հենրիխ Մխիթարյան

Գլխավոր թեմաներ