07:19 27 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Երևանում անցկացված մրցաշար

Հայկական խոհանոցը խանգարեց․ ինչպես Երևանում անցավ «լրագրող-ֆուտբոլիստների» մրցաշարը

© Sputnik / Andranik Ghazaryan
Սպորտ
Ստանալ կարճ հղումը
81 0 0

Բրյանսկից ժամանած լրագրողների թիմը հաղթեց Երևանում կայացած III միջազգային մրցաշարում։ Նոբել Առուստամյանն ասաց՝ ինչու է Հայաստանում դժվար ֆուտբոլ խաղալ։

ԵՐԵՎԱՆ, 25 մայիսի — Sputnik. Երևանում անցկացվեց Լրագրողների միջազգային ֆուտբոլային երրորդ մրցաշարը, որի հաղթող ճանաչվեց Բրյանսկի թիմը։ Այս մասին Sputnik Արմենիայի թղթակցի հետ զրույցում ասաց ֆուտբոլային մեկնաբան Խաչիկ Չախոյանը։

Матч между командами журналистов Еревана и «Матч ТВ»
© Sputnik / Andranik Ghazaryan
Լրագրողների միջազգային ֆուտբոլային երրորդ մրցաշար

Երկրորդ տեղը զբաղեցրեց Լիտվայի հավաքականը, երրորդը՝ Երևանի թիմը։ Մրցաշարին մասնակցում էին վեց թիմ՝ երկուական թիմ Հայաստանից ու Ռուսաստանից, մեկական՝ Վրաստանից ու Լիտվայից։ Ֆինանսական խնդիրների պատճառով չէին ժամանել Բելառուսի ու Գերմանիայի թիմերը։

Երևանի թիմի մեկնարկը հաջող էր. Ռուսաստանի թիմին հաղթեց 5:1 հաշվով և 3։1 հաշվով ավարտեց վրացի գործընկերների հետ խաղը։

Матч между командами журналистов Еревана и «Матч ТВ»
© Sputnik / Andranik Ghazaryan
Լրագրողների միջազգային ֆուտբոլային երրորդ մրցաշար

Սակայն ՀՀ սպորտի և երիտասարդության հարցերի նախարարի խորհրդական Վլադիմիր Հովհաննիսյանի վնասվածքից հետո (նա կոտրեց ոտքը. խմբ․) հայկական թիմի խաղը վատ ընթացք ստացավ ու Երևանի թիմը պարտվեց ռուսական թիմին։

Առաջին անգամ մրցաշարին մասնակցում էր «Մատչ ՏՎ»-ի թիմն իր աստղային կազմով՝ Նոբել Առուստամյան, Կոնստանտին Գենիչ, Դմիտրի Շնյակին, Ռոման Տրուշեչկին, Սերգեյ Կրիվոխարչենկո, Ռոման Գուտցայ։

Команды по футболу «Матч ТВ» и журналистов из Еревана
© Sputnik / Andranik Ghazaryan
Լրագրողների միջազգային ֆուտբոլային երրորդ մրցաշար

Sputnik Արմենիայի թղթակցին հաջողվեց զրուցել Առուստամյանի հետ։ Նա ասաց, որ մրցաշարն ավելի շուտ ընկերական է, քան սպորտային։ Նրա խոսքով՝ այն օգնում է տարբեր երկրների լրագրողներին միասնություն զգալ ու խաղալ իրենց սիրած խաղը։

Спортивный журналист Sputnik Армения Хачик Чахоян и комментатор «Матч ТВ» Нобель Арустамян
© Sputnik / Andranik Ghazaryan
Խաչիկ Չախոյանն ու Նոբել Առուստամյանը

«Մեր թիմի համար սա Հայաստանին ծանոթանալու շատ լավ հնարավորություն է։ Ես այստեղ եղել էի, թիմակիցներս՝ ոչ։ Մենք արդեն երեք օր է` այստեղ ենք ու շատ լավ տպավորություններ ունենք։ Գառնի, Գեղարդ, Սևան ենք գնացել», - ասաց նա։

Առուստամյանը խոստովանեց, որ Երևանում երկու օր անցկացնելուց հետո շատ դժվար է խաղալ, քանի որ շուրջը շատ համով ուտելիք կա ու ֆուտբոլիստները «ծանրացել» են։

«Մենք ամենաթեթև ու տեխնիկական ֆուտբոլիստները չենք, բայց կուզենայինք դուր գալ հանդիսատեսին», - նշեց նա։

Матч между командами журналистов Еревана и «Матч ТВ»
© Sputnik / Andranik Ghazaryan
Լրագրողների միջազգային ֆուտբոլային երրորդ մրցաշար

Մրցաշարն առաջին անգամ էր անցկացվում «Փյունիկ» մարզադպրոցում։ Խաղերն ընթանում էին միաժամանակ երեք դաշտում։ Ամեն հանդիպումը, 20 րոպե էր տևում, խաղերն ընդհատվում էին 10 րոպեանոց դադարներով։

Ըստ թեմայի

Երիտասարդներն Արցախի բարբառով երգ են ձայնագրել Conifa Արցախ մրցաշարին ընդառաջ. տեսանյութ
ՈւԵՖԱ-ի նախագահն անդրադարձել է Հենրիխ Մխիթարյանի հետ կապված սկանդալին
Ինչո՞ւ Գևորգ Ղազարյանը խզեց պայմանագիրը. ֆուտբոլիստը խոսել է պատճառների մասին
Արտերկրում հանդես եկող 11 ֆուտբոլիստներ հրավիրվել են Հայաստանի հավաքական
թեգերը:
ֆուտբոլ, Հայաստան

Գլխավոր թեմաներ