08:06 17 հունիսի 2019
Ուղիղ եթեր
  • USD478.40
  • GBP605.13
  • EUR539.06
  • RUB7.43
Նոբել Առուստամյան

Մխիթարյանի երկրպագուները կուզեին նրա հետևից Բաքու գնալ․ ի՞նչն է տխրեցրել Առուստամյանին

© Sputnik / Andranik Ghazaryan
Սպորտ
Ստանալ կարճ հղումը
Հենրիխ Մխիթարյան (212)
132 0 0

Հայտնի մեկնաբանը խոսել է Հենրիխ Մխիթարյանի հետ կապված աղմկահարույց պատմության ու հայկական ֆուտբոլի ներկայի մասին։

ԵՐԵՎԱՆ, 25 մայիսի — Sputnik, Նանա Մարտիրոսյան․ Եվրոպայի լիգայի եզրափակիչում «Արսենալի» կիսապաշտպան Հենրիխ Մխիթարյանի շուրջ ստեղծված իրավիճակը տխուր ու տհաճ է, քանի որ սպորտը պետք է մտերմացնի մարդկանց և դուրս լինի քաղաքականությունից։ Sputnik Արմենիայի թղթակցի հետ զրույցում այս կարծիքը հայտնեց «Մատչ ՏՎ»-ի մարզական մեկնաբան Նոբել Առուստամյանը։

Մայիսի 21–ին ֆուտբոլային ակումբը հայտարարել էր, որ Հայաստանի հավաքականի և «Արսենալի» կիսապաշտպան Հենրիխ Մխիթարյանը չի մեկնի Բաքու Եվրոպայի լիգայի եզրափակիչին մասնակցելու համար։ Թեև ՈւԵՖԱ-ի պաշտոնյաները վստահեցրել էին, որ անվտանգության երաշխիքներ կտրամադրվեն, այդուհանդերձ ակումբը որոշել էր, որ ավելի լավ կլինի`ֆուտբոլիստը Բաքու չմեկնի։ Մխիթարյանն էլ ասել էր, որ դա բարդ որոշում է եղել։ Միաժամանակ համաշխարհային ֆուտբոլի ականավոր գործիչները (այդ թվում նաև Արսեն Վենգերը, Յուրգեն Կլոպը) քննադատել էին ՈւԵՖԱ-ին ԵԼ-ի եզրափակիչը Բաքվում անցկացնելու համար։

Բաքուն բաց թողեց հայերի նկատմամբ ոչ խտրական վերաբերմունք ցուցաբերելու կարողությունը. ԱԳՆ

«Ինքս էլ եմ տխրել, քանի որ կարծում եմ, որ սպորտը պետք է մտերմացնի մարդկանց ու քաղաքականությունից դուրս լինի։ Մարդիկ պետք է սպորտի միջոցով միմյանց ընդառաջ գնան, բայց, ցավոք, աշխարհն այսպիսին է, իրականություն ու երկրների միջև հարաբերություններն այսպիսին են, ու դա հիմա անհնար է թվում», - նշեց Առուստամյանը։

Մեկնաբանն ընդգծեց, որ Մխիթարյանը բազում երկրպագուներ ունի ոչ միայն Հայաստանում, այլև Ռուսաստանում, Անգլիայում, Ֆրանսիայում, ու նրանք ամենայն հավանականությամբ կուզենային Բաքու մեկնել։

«Հուսով եմ՝ այդ տհաճ պատմությունը կավարտվի, հարաբերություններն էլ կկարգավորվեն։ Հուսով եմ՝ ամեն ինչ լավ կլինի», - ասաց նա։

Մեկնաբանն ասաց, որ հետևում է Հայաստանի հավաքականի խաղերին, սակայն այնքան էլ գոհ չէ հայկական ֆուտբոլի մակարդակից։ Նրա խոսքով՝ ազգային հավաքականն արդեն վաղուց «տարիքն առել է», ու մակարդակը բարձրացնելու համար պետք է շեշտը դնել երիտասարդ կադրերի վրա։

«Պետք է զարգացնել ակումբային ո մանկական ֆուտբոլը, ներդրում անել նոր սերնդի մեջ։ Որքան ավելի շատ զարգացած ակումբ լինի, այնքան ավելի մեծ է հավանականությունը, որ ֆուտբոլային դաշտերից մեկում երկու-երեք երիտասարդ խաղացող կլինի, որոնցով մենք տասը տարի հետո կհպարտանանք», - ընդգծեց Առուստամյանը։

Նոբել Առուստամյանը «Մատչ ՏՎ»-ի իր գործընկերների հետ Երևան է ժամանել Լրագրողների միջազգային ֆուտբոլային երրորդ մրցաշարին մասնակցելու համար։ Նա խոստովանեց, որ մեկնաբանների թիմի (Կոնստանտին Գենիչ, Դմիտրի Շնյակին, Ռոման Տրուշեչկին, Սերգեյ Կրիվոխարչենկո, Ռոման Գուտցայ) համար սա երկրին ծանոթանալու լավ հնարավորություն է։

թեմա:
Հենրիխ Մխիթարյան (212)

Ըստ թեմայի

«Արսենալի» և «Չելիսիի» երկրպագուների մի մասը հետ է տվել տոմսերն ու Բաքու չի մեկնի
CNN-ը «Արսենալին» և «Չելսիին» առաջարկում է բոյկոտել Բաքվում կայանալիք ԵԼ եզրափակիչը
Արտերկրում հանդես եկող 11 ֆուտբոլիստներ հրավիրվել են Հայաստանի հավաքական
Լեգենդար Արսեն Վենգերը Բաքվում կայանալիք Եվրոպայի Լիգան երկրպագուների մղձավանջ է անվանել
թեգերը:
ֆուտբոլ, Արսենալ, Հենրիխ Մխիթարյան, Հայաստան

Գլխավոր թեմաներ