08:02 24 հուլիսի 2019
Ուղիղ եթեր
  • USD476.13
  • GBP592.26
  • EUR532.17
  • RUB7.54
Հայկ Մելիքյանը

Հրաչյա Պողոսյանին՝ բրոնզ, իսկ Ամոյանն ու Մելիքյանը կվիճարկեն Եվրոպայի չեմպիոնի կոչումը

© Photo : Gevorg Ghazaryan / press office of the Wrestling Federation of Armenia
Սպորտ
Ստանալ կարճ հղումը
86 0 0

Չորս դժվարին գոտեմարտ ու նույնքան հաղթանակ. սա Մալխաս Ամոյանի արդյունքն է Եվրոպայի առաջնությունում: Հայկ Մելիքյանը մինչև եզրափակիչ հասնելը երեք գոտեմարտ անցկացրեց ու երեքում էլ բացարձակ առավելությամբ հաղթեց մրցակիցներին:

ԵՐԵՎԱՆ, 4 Հունիս — Sputnik. Իսպանական Պոնտեվերդա քաղաքում վաղը վերջնագիծը կհատի հունահռոմեական ոճի ըմբշամարտի երիտասարդների Եվրոպայի առաջնությունը: Հայ երկու ըմբիշներ՝ Մալխաս Ամոյանն ու Հայկ Մելիքյանը շատ լավ հնարավորություն ունեն աշխարհամասի չեմպիոնի կոչումը նվաճելու համար:

67 կգ քաշային կարգում Հայկ Մելիքյանն իր ելույթները սկսեց 1/8 եզրափակիչից և 8:0 հաշվով առավելության հասնելով սերբ Ալեքսա Իլիչի նկատմամբ, իր առավելությունը 14:5 հաշվով 1/4 եզրափակիչում դրսևորեց Ավստրիան ներկայացնող Ակեր Ալ Օբաիդիի նկատմամբ:

Կիսաեզրափակիչում հայ ըմբիշը ոչ մի շանս չտվեց ռուսաստանցի Աբդուլվախաբ Ասաինովին, որին պարտության մատնեց 10:1 հաշվով: Հունիսի 5-ին Մելիքյանը ոսկե մեդալը վիճարկելու է վրացի՝ Գիորգի Շոթաձեյի հետ:

72 կգ քաշային կարգում Մալխաս Ամոյանը առաջին գոտեմարտն անցկացրեց որակավորման փուլում, ու հեշտությամբ հաղթահարեց իտալացի Լուիջի Ռինալդիի արգելքը՝ 9:0: Հաջորդ գոտեմարտում հայ ըմբիշը 6:1 հաշվով առավելության հասավ թուրք՝ Իսմաիլ Գյունի նկատմամբ:

Малхас Амоян
© Photo : Gevorg Ghazaryan / press office of the Wrestling Federation of Armenia
Մալխաս Ամոյանը

Կիսաեզրափակիչ դուրս գալու համար Ամոյանն արդեն իր վարպետությունը դրսևորեց վրացի Օթար Աբուլաձեյի հետ գոտեմարտում, որում 0:3 հաշվով պարտվելիս բեկեց գոտեմարտի ընթացքն ու հաղթանակի հասավ 8:4 հաշվով: Դժվար տրվեց հաղթանակը մեր ըմբիշին կիսաեզրափակիչում, որտեղ Ամոյանը նորից ընթացքում պարտվում էր:

Բայց ռուս Սերգեյ Ստեպանովը չդիմացավ հայ ըմբիշի ճնշմանն ու գրանցվեց մեր հաղթանակը 5:4 հաշվով: Վաղը եզրափակիչում Մալխաս Ամոյանի մրցակիցը լինելու է ռումինացի Միհայ Պետիկը:

Հայաստանը ներկայացնող մյուս ըմբիշներից այսօր՝ հունիսի 4-ին բրոնզե մեդալ նվաճեց Հրաչյա Պողոսյանը, որը 63կգ քաշային կարգում առավելության հասավ բելառուս Ալեքսանդր Պեչուրենկայի նկատմամբ: Բրոնզե մեդալի համար պայքարում պարտվեց  55կգ քաշային Գևորգ Սուքիասյանը, 60կգ քաշային կարգում վաղը՝ հունիսի 5-ին բրոնզի համար գոտեմարտելու է Սահակ Հովհաննիսյանը, և վերջապես 82 կգ քաշային կարգում, բրոնզե մեդալի համար պայքարում Կարեն Խաչատրյանը սփոփիչ գոտեմարտ է անցկացնելու:

Ըստ թեմայի

Արցախի հավաքականն ավարտեց պայքարը, Արևմտյան Հայաստանը CONIFA-ի կիսաեզրափակիչում է
Չորս ֆուտբոլիստ չեն մասնակցի խաղին. Հայաստանի հավաքականը սկսեց հավաքը
թեգերը:
Եվրոպա, սպորտ

Գլխավոր թեմաներ