10:48 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Արոնյանն ու Մամեդյարովը

Արոնյանը կխաղա Մամեդյարովի հետ. «գործը» կարող է «արմագեդոնի» հասնել

© Photo: Lennart Ootes / Altibox Norway Chess
Սպորտ
Ստանալ կարճ հղումը
115 0 0

Ադրբեջանցի շախմատիստը Նորվեգիայում ընթացող մրցաշարի առաջատարն է։

ԵՐԵՎԱՆ, 6 հունիսի — Sputnik. Գրոսմայստեր Լևոն Արոնյանը «Altibox Norway Chess» սուպերմրցաշարի` հունիսի 6-ին կայանալիք երրորդ տուրում կմրցի ադրբեջանցի շախմատիստ Շահրիար Մամեդյարովի հետ։

Նորվեգիայի Ստավանգեր քաղաքում ընթացող Norway Chess սուպերմրցաշարում մրցակարգով դասական պարտիայում հաղթող չունենալու դեպքում նշանակվում է կայծակնային խաղի «արմագեդոն» պարտիա, որի հաղթողը ստանում է 1 միավոր։ Դասական պարտիայում հաղթանակի համար տրվում է 2 միավոր։

Երեկ Արոնյանը չկարողացավ հաղթել աշխարհի չեմպիոն Մագնուս Կառլսենին։ Հիմնական պարտիայում կողմերը ոչ–ոքի խաղացին, իսկ բլիցում Կառլսենը հաղթեց։

Խաղային մյուս զույգերն են.

Մագնուս Կառլսեն (Նորվեգիա) – Ալեքսանդր Գրիշչուկ,

Մաքսիմ Վաշյե–Լագրավ (Ֆրանսիա) – Վիշվանաթան Անանդ (Հնդկաստան),

Դինգ Լիրեն (Չինաստան) – Ֆաբիանո Կարուանա (ԱՄՆ),

Ուեսլի Սո (ԱՄՆ) – Յանգի Յու (Չինաստան)։

Անցած տուրերից հետո մրցաշարային աղյուսակը հետևյալ տեսքն ունի. Մամեդյարով` 3,5, Կառլսեն, Յանգի Յու` 3–ական միավոր, Կարուանա` 2,5, Արոնյան, Դինգ Լիրեն, Սո` 2–ական, Գրիշչուկ` 1, Վաշյե–Լագրավ, Անանդ` 0,5–ական միավոր.

Մրցաշարը կավարտվի հունիսի 14-ին։ 2018 թվականին այդ մրցաշարի հաղթող դարձավ ամերիկացի Ֆաբիանո Կարուանան։

Ըստ թեմայի

Կառավարությունը Լևոն Արոնյանի համար համակարգիչ կգնի
Լևոն Արոնյանը պարտվեց Մագնուս Կառլսենին
Լևոն Արոնյանը դուրս մնաց ՖԻԴԵ–ի «Գրան պրիի» պայքարից
թեգերը:
Լևոն Արոնյան, շախմատ

Գլխավոր թեմաներ