17:00 20 օգոստոսի 2019
Ուղիղ եթեր
  • USD475.90
  • GBP575.55
  • EUR527.39
  • RUB7.13
Արթուր Ալեքսանյան

Ովքե՞ր են նրանք. Եվրոպական երկրորդ խաղերում Հայաստանը ներկայացնելու են 37 մարզիկ

© Sputnik / Asatur Yesayants
Սպորտ
Ստանալ կարճ հղումը
89 0 0

2015 թվականին Բաքվում կայացած Եվրոպական առաջին խաղերում Հայաստանը ներկայացնող մարզիկներից միայն հունահռոմեական ոճի ըմբիշ Միհրան Հարությունյանին հաջողվեց մեդալ վաստակել: Երկրորդ խաղերում Հայաստանն անհամեմատ ավելիին կարող է հասնել:

Խաչիկ Չախոյան, Sputnik.

Եվրոպական երկրորդ խաղերն անցկացվելու են Բելառուսի մայրաքաղաք Մինսկում հունիսի 21-30-ը: Արդեն հայտնի է, որ Հայաստանն առաջիկա խոշոր ստուգատեսում ներկայացնելու են 37 մարզիկ, որոնք պայքարի մեջ են մտնելու տասը մարզաձևերում:

Իհարկե, կան մարզաձևեր, որոնցում մենք մեծ ակնկալիքներ ունենք հայ մարզիկներից: Օլիմպիական, աշխարհի ու Եվրոպայի բազմակի չեմպիոն հունահռոմեական ոճի ըմբիշ Արթուր Ալեքսանյանը, բնականաբար, Եվրոպական երկրորդ խաղերի հաղթողի հիմնական հավակնորդներից մեկն է լինելու: Ոչ պակաս ակնկալիքներ կան նաև մյուս ըմբիշներից, ընդ որում և՛ հունահռոմեական, և՛ ազատ ոճի: Ընդհանուր առմամբ մրցագորգ դուրս կգան հունահռոմեական ոճի հինգ (Արմեն Մելիքյան 60 կգ, Կարեն Ասլանյան 67 կգ, Կարապետ Չալյան 77 կգ, Մաքսիմ Մանուկյան 87 կգ, Արթուր Ալեքսանյան 97 կգ ) և ազատ ոճի չորս ըմբիշներ (Գարիկ Բարսեղյան 57 կգ, Վոլոդյա Ֆրանգուլյան 65 կգ, Սարգիս Հովսեփյան 97 կգ, Անդրանիկ Գալստյան 125 կգ):

Ներկայացուցչական է լինելու Հայաստանի սամբոյի հավաքականը, որը ներկայացած է լինելու վեց սամբիստով (Ասյա Լալազարյան 48 կգ, Տիգրան Կիրակոսյան 52 կգ, Մաքսիմ Մանուկյան 57 կգ, Արսեն Ղազարյան 74 կգ, Դավիթ Գրիգորյան 82 կգ, Գրիգոր Սահակյան 90 կգ), իսկ աշխարհի և Եվրոպայի չեմպիոն Տիգրան Կիրակոսյանը, բնականաբար, իր քաշային կարգում կարող է նոր նվաճման հասնել:

Ամենաշատ մարզիկներով Հայաստանը այս մրցումներում ներկայացված է լինելու բռնցքամարտում: Հայաստանի հավաքականը տղամարդկանց մրցումներում Եվրոպայի 2017 թվականի չեմպիոն ու աշխարհի առաջնության բրոնզե մեդալակիր Հովհաննես Բաչկովի գլխավորությամբ պայքարի մեջ կմտնի տասը քաշային կարգերում (Բարեղամ Հարությունյան 52 կգ, Ժիրայր Սարգսյան 56 կգ, Կարեն Տոնականյան 60 կգ, Հովհաննես Բաչկով 64 կգ, Գուրգեն Մադոյան 69 կգ, Արման Դարչինյան 75 կգ, Գոռ Ներսեսյան 81 կգ, Հենրիկ Սարգսյան 91 կգ, Գուրգեն Հովհաննիսյան 91+ կգ):

Բռնցքամարտի կանանց մրցումներին մասնակցելու է նաև երիտասարդների Եվրոպայի ու աշխարհի չեմպիոն Անուշ Գրիգորյանը:

Մեծ ակնկալիքներ կան նաև մեր մարմնամարզիկներից: Վահագն Դավթյանն ու Արթուր Թովմասյանը օղակների մրցումներում մեկ անգամ չէ, որ հաջողության են հասել բարձր կարգի տարբեր մրցումներում: Բազմամարտում էլ ֆավորիտների թվում է լինելու Արթուր Դավթյանը:

Ձյուդոյում մեր երկիրը ներկայացնելու է 2018 թվականի Եվրոպայի չեմպիոն Ֆերդինանդ Կարապետյանը: Հեծանվասպորտում չնայած վնասվածքին, իր մարտական բնավորության համաձայն, մեդալի հավակնորդ է համարվում Էդգար Ստեփանյանը:

Իհարկե, հրաձգությունում, բադմիթոնում (Լիլիթ Պողոսյան) և թիավարությունում (Արա Վիրաբյան, Դավիթ Մարաբյան, Վլադիմիր Ալավերդյան) մեր մարզիկները հնարավոր հաղթողների թվին չեն պատկանում, բայց այս մարզաձևերում էլ մերոնք պատրաստ են պայքարել բարձր տեղերի ու նվաճումների համար:

Ըստ թեմայի

Արցախում կայացած ֆուտբոլային խաղի ժամանակ գնդակը հայտնվել է դարպասում ու դուրս եկել ցանցից
Լեգենդը նորից ֆուտբոլում է. Խորեն Հովհաննիսյանի թիմը կխաղա առաջին խմբում
Հայաստանի ֆուտբոլի հավաքականն առաջադիմել է 9 աստիճանով
Հայաստանի հավաքականի ֆուտբոլիստներից մեկն ամուսնացել է. լուսանկար և տեսանյութ
թեգերը:
բռնցքամարտիկ, սպորտ, Արթուր Ալեքսանյան, Հայաստան

Գլխավոր թեմաներ