04:20 20 սեպտեմբերի 2019
Ուղիղ եթեր
  • USD476.26
  • GBP593.94
  • EUR526.74
  • RUB7.42
Էլինա Դանիելյան

«Խառը զգացմունքներ ունեմ». հայուհին հաղթել է հնդիկ գրոսմայստերին

CC BY-SA 2.5 / Przemysław Jahr / GM Elina Danielian, European Chess Team Championship Warsaw 2013
Սպորտ
Ստանալ կարճ հղումը
320 0 0

Հայաստանի առաջատար շախմատիստ Էլինա Դանիելյանը դուրս է եկել արագ շախմատի առաջնության եզրափակիչ։

ԵՐԵՎԱՆ, 21 հունիսի — Sputnik. Հայ գրոսմայստեր Էլինա Դանիելյանը պարտության է մատնել միջազգային գրոսմայստեր Խարիկա Դրոնավալիին արագ շախմատի կանանց առաջնությունում մղված համառ պայքարում։

Հնդիկ մարզիկը մինչև վերջ Դանիելյանին պահել է լարվածության մեջ։ Հայուհին մի քանի անգամ բաց է թողել արագ հաղթանակը, բայց արդյունքում կարողացել է հաղթել վերջին պարտիաներում։ Էլինան իր հաղթանակի մասին խոսել է chess.com պարբերականի հետ զրույցում։

«Չգիտեմ` ինչ ասեմ։ Ես մինչև հիմա զարմացած եմ, որովհետև այնքան պարտիաներում էի պարտվել, բայց արդյունքում հաղթեցի։ Ես կրկին չեմ հասցրել հետևել հաշվին։ Երջանիկ եմ, բայց հիմա զգացմունքներս խառն են», – խոստովանեց շախմատիստուհին։

Միաժամանակ հայ գրոսմայստերը նշել է, որ այդքան էլ լավ չի խաղացել մենամարտի սկզբում, բայց կարողացել է հավաքվել և հաղթական սերիան անցկացնել խաղի վերջում։

Եզրափակիչում հայուհին կհանդիպի Վալենտինա Գունինա–Ալեքսանդրա Կոստենյուկ պարտիայում հաղթողի հետ։ Այդ խաղը կկայանա կիրակի` հունիսի 23–ին։

Հայաստանում մոռացության մատնված մարզադաշտերը, կամ որտե՞ղ «գոլ» գոռան ֆուտբոլիստները

Նշենք, որ արագ շախմատի կանանց առաջնության մրցանակային ֆոնդը 20 հազար դոլար է։ Այդ մրցաշարում օլիմպիական համակարգով հանդիպում են ութ ուժեղագույն շախմատիստուհիներ։

2017թ–ի դեկտեմբերին Դանիելյանը երրորդ տեղն է զբաղեցրել Սաուդյան Արաբիայում արագ շախմատի աշխարհի առաջնությունում։

Ըստ թեմայի

«Անին» իմ առաջին լուրջ հաջողությունն էր. ո՞ւմ հետ է հույս կապում Խորեն Հովհաննիսյանը
Ինչպես Յուրի Սաքունցն իր կյանքը երկարացրեց 15 տարով. մարզիկն այդքանով կանգ չի առնի
Ովքե՞ր են նրանք. Եվրոպական երկրորդ խաղերում Հայաստանը ներկայացնելու են 37 մարզիկ
թեգերը:
շախմատ, Հայաստան

Գլխավոր թեմաներ