ԵՐԵՎԱՆ, 30 հունիսի - Sputnik. Հայ շախմատիստուհի, գրոսմայստեր Էլինա Դանիելյանը 15-13 հաշվով հաղթել է ռուսաստանցի գրոսմայստեր, Ռուսաստանի սպորտի վաստակավոր վարպետ Վալենտինա Գունինային կանանց շրջանում անցկացվող արագ շախմատի մրցաշարում։
Սակայն Դանիելյանը հաղթանակը միայն իր հաջողությանը չի վերագրում, այլև պայմանավորում է նաև արտաքին գործոնների ազդեցությամբ, որոնք խոչընդոտել են, որպեսզի շախմատի մենամարտը կայանա շախմատիստուհիների հանդիպման ժամանակ։
Մենամարտն անցկացվել է օնլայն։ Բանն այն է, որ ռուս շախմատիստուհին Ինդոնեզիայի Բալի կղզում իր հանգիստն էր անցկացնում։ Այդ պատճառով նա շախմատի տախտակի առջև նստել է տեղական ժամանակով կեսգիշերից հետո։ Բացի այդ ռուսաստանցի շախմատիստուհու մոտ անընդհատ ինտերնետային կապի խնդիրներ էին առաջանում, ինչի պատճառով նա երկու պարտիայում պարտություն է կրել։
Այնուամենայնիվ, երկու շախմատիստուհիներն էլ դրամական պարգևատրում են ստացել՝ 4607 ԱՄՆ դոլար առաջին տեղի համար և 1393 ԱՄՆ դոլար՝ երկրորդ տեղի համար։ Բացի այդ Դանիելյանը նաև հրավեր է ստացել մասնակցելու արագ շախմատի գլխավոր առաջնությանը և ՖԻԴԵ-ի շվեյցարական համակարգով անցկացվող Մեծ մրցաշարին, որը կկայանա հոկտեմբերին Մեծ Բրիտանիային պատկանող Մեն կղզում։
Հավելենք, որ 2017թ.-ի դեկտեմբերին Դանիելյանը երրորդ տեղն է զբաղեցրել Սաուդյան Արաբիայում կայացած Արագ շախմատի մրցաշարում։
