13:23 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Հայ մարզիկները վերադարձան Հայաստան

Հայաստանի դրոշն ամեն անգամ բարձրացնելը սխրանք է. մարզիկները վերադարձան Հայաստան

© Sputnik / Asatur Yesayants.
Սպորտ
Ստանալ կարճ հղումը
11520

Եվրոպական երկրորդ խաղերից մեդալներով վերադարձած մարզիկները գոհ են իրենց արդյունքից։ Նրանք իրենց հաղթանակների մասին պատմել են Sputnik Արմենիային։

ԵՐԵՎԱՆ, 1 հուլիսի – Sputnik. Բելառուսի մայրաքաղաք Մինսկում Եվրոպական երկրորդ խաղերին մասնակցած և բարձր արդյունքներ գրանցած մարզիկներն այսօր վերադարձան Հայաստան։ «Զվարթնոց» օդանավակայանում հարյուրավոր մարդիկ էին հավաքվել` Հայաստանը ներկայացրած մարզիկներին դիմավորելու համար։

49 կգ քաշային կարգում Եվրոպական երկրորդ խաղերի չեմպիոն, բռնցքամարտիկ Արթուր Հովհաննիսյանը Sputnik Արմենիայի հետ զրույցում ասաց, որ Մինսկ էր մեկնել երազանքն իրականություն դարձնելու համար։

«Ես գնում էի չեմպիոն դառնալու երազանքս ի կատար ածելու, և այն կատարեցի։ Շատ լավ էի պատրաստվել, ներքին վստահություն կար, որ հաղթելու եմ։ Հենց առաջին մենամարտից հետո ինքնավստահությունս մեծացավ»,– ասաց նա։

Чемпион Вторых Европейских игр, боксер Артур Ованнисян в аэропорту Звартноц (1 июля 2019). Еревaн
© Sputnik / Asatur Yesayants.
Արթուր Հովհաննիսյան

Մարմնամարզիկ Վահագն Դավթյանը, թեև արծաթ է նվաճել, բայց ուրախ է նաև դրա համար։

«Մարզական կարիերան շատ կարճ է, ցանկացած հաղթանակ կարևոր է մարզիկի համար։ Գալիս է մի պահ, որ տեսնում ես` քո կատարած ահռելի աշխատանքը պտուղ է տվել։ հետհայացք գցելով` տեսնում ես, որ թիկունքում դատարակություն չէ»,– ասաց նա։

Серебренный медалист Вторых Европейских игр, гимнаст Ваагн Давтян в аэропорту Звартноц (1 июля 2019). Еревaн
© Sputnik / Asatur Yesayants.
Վահագն Դավթյան

Մարմնամարզիկ Արթուր Դավթյանը նշեց, որ մարմնամարզությունում շատ դժվար է հաղթանակի հասնել, որովհետև մրցակցությունը շատ բարձր մակարդակի է։

Чемпион Вторых Европейских игр, гимнаст Артур Давтян в аэропорту Звартноц (1 июля 2019). Еревaн
© Sputnik / Asatur Yesayants.
Վահագն Դավթյան

«Բազմամարտում ես հինգերորդ տեղը զբաղեցրի իմ սխալի պատճառով` իմ մեխը համարվող հենացատկում, բայց գուցե հենց այդ սխալն օգնեց, որ հենացատկի մրցումներում անթերի կատարեմ վարժությունները և դառնամ չեմպիոն»,– ասաց նա։

64 կգ քաշային կարգում Եվրոպական երկրորդ խաղերի չեմպիոն դարձած բռնցքամարտիկ Հովհաննես Բաչկովն էլ խոսեց իր բերած ոսկու մասին։

Чемпион Вторых Европейских игр, боксер Ованнес Бачков в аэропорту Звартноц (1 июля 2019). Еревaн
© Sputnik / Asatur Yesayants.
Հովհաննես Բաչկով

«Շատ ուրախ էի, որ կարողացա հասնել եզրափակիչ։ Հոգեպես զգում էի, որ պարզապես իրավունք չունեմ չհաղթելու։ Եզրափակիչում յուրահատուկ կերպով էի դուրս եկել ռինգ։ Անսահման ուրախ եմ, որ ոսկի նվաճեցի, որովհետև յուրաքանչյուր անգամ Հայաստանի դրոշ բարձրացնելը իսկապես սխրանք է»,– ասաց նա։

Նշենք, որ Մինսկի խաղերին մասնակցած ըմբիշները դեռ Հայաստան չեն վերադարձել. նրանք մեկնել են հավաքների և, ամենայն հավանականությամբ, հայրենիք կվերադառնան 14 օր անց։

Ըստ թեմայի

Գոռ Ներսեսյանն ու Կարեն Տոնականյանը Մինսկից կվերադառնան բրոնզե մեդալներով
Երկու ոսկե մեդալ 1 ժամում. հայ բռնցքամարտիկները կրկին հաղթական ելույթ են ունեցել Մինսկում
Արթուր Ալեքսանյանը դարձավ Եվրոպական խաղերի չեմպիոն
Արմեն Սարգսյանը Պուտինի ու Լուկաշենկոյի հետ լուսանկար է հրապարակել

Գլխավոր թեմաներ