22:52 10 օգոստոսի 2020
Ուղիղ եթեր
  • USD485.23
  • GBP633.52
  • EUR570.68
  • RUB6.59
Սպորտ
Ստանալ կարճ հղումը
157 0 0

Խաղի ընթացքում իրենց «դրսևորեցին» նաև «Շկուպիի» երկրպագուները` շշեր նետելով դեպի խաղադաշտ:

ԵՐԵՎԱՆ, 19 հուլիսի – Sputnik. Երևանի «Փյունիկը» Եվրոպայի լիգայի որակավորման առաջին փուլի պատասխան խաղում, որը կայացավ Մակեդոնիայում, 2:1 հաշվով հաղթելով տեղի «Շկուպի» թիմին` դիմակայությունում ընդհանուր 5:4 հաշվով հաղթանակ տոնեց ու դուրս եկավ որակավորման երկրորդ փուլ:

«Փյունիկ»-«Շկուպի» առաջին խաղում (Գյումրի) հայկական թիմը խաղի ընթացքում պարտվում էր 1:3 հաշվով: Մեր թիմի համար վտանգված էր ոչ միայն այդ խաղի, այլ նաև դիմակայության արդյունքը: Բայց «Փյունիկի» ֆուտբոլիստները, կամային որակներ դրսևորելով, փրկեցին առաջին հանդիպումն ու այն ավարտվեց ոչ-ոքի՝ 3:3 հաշվով: Թվաց, որ նման արդյունքը ձեռնտու է մրցակցին: Դե իհարկե, «Շկուպին» մրցակցի հարկի տակ երեք գնդակ էր խփել ու չէր պարտվել:

Ֆուտբոլը տոն է, ԵՎՐՈ-2019-ը՝ առավել ևս, բայց կիսադատարկ ստադիոնով ի՞նչ տոն

Բայց Գյումրիում կայացած խաղի արդյունավետությունը «Փյունիկի» մոտ շարունակություն ստացավ պատասխան խաղում: Մրցակցի հարկի տակ նախ Արտակ Եդիգարյանը հրաշալի հարվածով բացեց խաղի հաշիվը, ապա արագ հակագրոհի վերջնամասում դիպուկ հարվածը գրանցվեց Արտյոմ Սիմոնյանի անվան դիմաց:

Երկրորդ կեսում «Շկուպին» նետվեց առաջ, բայց գոլային պահը ստեղծեցին «Փյունիկի» ֆուտբոլիստները: Ափսոս, որ երկրորդ կեսի մեկնարկում այդ գոլը չկայացավ, հակառակ դեպքում խաղի և դիմակայության ելքը հաստատ վճռված կլիներ: Ունենալով երկու գնդակի առավելություն` մեր թիմը չէր պատրաստվում միայն պաշտպանվել, չնայած արդեն պաշտպանությունում «Փյունիկը» գործում էր ավելի մեծ ուժերով:

Խաղի ընթացքն ու հաշիվը թելադրում էին «Փյունիկին», որ ավելորդ ռիսկի դիմելն իմաստ չունի, և 2:0 հաշվով հաղթանակը միանշանակ մեր թիմին հաղթանակ էր բերում նաև դիմակայությունում: Բայց խաղի ավարտից 11 րոպե առաջ «Շկուպիին» հաջողվեց կրճատել հաշվի տարբերությունը, և խաղն անմիջապես սրվեց: Իրենց «դրսևորեցին» նաև «Շկուպիի» երկրպագուները` շշեր նետելով դեպի խաղադաշտ: Սա ինչ–որ տեղ մեր թիմին հոգեբանորեն ընկճելու տարբերակ էր:

Ու նման պայմաններում Ստեֆան Ալֆրեդը, մեն մենակ մնալով «Շկուպիի» դարպասապահի դիմաց, չկարողացավ վերջակետ դնել հանդիպմանը: «Փյունիկի» հարձակվողի հարվածը կարողացավ շեղել դաշտի տերերի դարպասապահը: Ինչևէ, կարևորն այն է, որ մրցավարի կողմից ավելացված րոպեների ընթացքում էլ ոչինչ տեղի չունեցավ, և «Փյունիկը», հաղթելով 2:1 հաշվով, դուրս եկավ հաջորդ փուլ, որում մրցելու է չեխական «Յաբլոնեց» թիմի հետ:

Հիշեցնենք` Եվրոպայի լիգայի որակավորման առաջին փուլի պատասխան խաղում «Ալաշկերտն» այսօր 3:0 հաշվով հաղթեց Հյուսիսային Մակոդոնիայի «Մակեդոնիա» թիմին։

Հայ ֆուտբոլիստներն աշխարհի առաջնության եզրափակիչ փուլերում. ովքե՞ր են նրանք

Ըստ թեմայի

Լեգենդը նորից ֆուտբոլում է. Խորեն Հովհաննիսյանի թիմը կխաղա առաջին խմբում
Հայաստանի ֆուտբոլի հավաքականն առաջադիմել է 9 աստիճանով
Իջևանցի կինը, Փաշինյանն ու Արցախը. ի՞նչ կուզեր անել ռուս ֆուտբոլիստը Հայաստանում
Մոսկվայի «Սպարտակի» նախկին ֆուտբոլիստը տեղափոխվել է «Արարատ Երևան» ֆուտբոլային ակումբ
թեգերը:
տեսանյութ, ֆուտբոլ, Հայաստան

Գլխավոր թեմաներ