12:50 13 օգոստոսի 2020
Ուղիղ եթեր
  • USD485.00
  • GBP632.83
  • EUR570.60
  • RUB6.64
Սպորտ
Ստանալ կարճ հղումը
50 0 0

«Սոչի» ակումբի հոկեյիստ Անդրեյ Ալթիբարմաքյանը ծննդյան օրը տոնել է սառույցի վրա. այդ օրը նրա թիմը հաղթանակ տարավ ՍԿԱ–ի հետ խաղում։

ԵՐԵՎԱՆ, 5 օգոստոսի — Sputnik. «Սոչի» հոկեյի ակումբի խաղացող Անդրեյ Ալթիբարմաքյանը չի հասկանում, թե ինչու են բոլորը խոսում իր հիանալի ֆիզիկական պատրաստվածության մասին, քանի որ ինքը պարզապես փոխել է ամռան իր սննդակարգը։ Այս մասին, ինչպես փոխանցում է ՌԻԱ Նովոստին, հոկեյիստն ասել է ` պատասխանելով լրագրողների հարցերին։

Օգոստոսի 4-ին Ալթիբարմաքյանը դարձավ 21 տարեկան։ Նույն օրը «Սոչի» ակումբը 2:1 հաշվով հաղթեց ՍԿԱ–ին (Սանկտ Պետերբուրգ) մրցաշարի նախասեզոնային խաղում։

Հոկեյիստը կարծում է, որ ծննդյան օրվա խաղը բավականին հետաքրքիր էր, նա շատ ուրախ է, որ այդ օրով իրենց թիմին հաջողվել է հաղթանակ տոնել։ Արդրեյի խոսքով` ինքը նախկինում էլ է իր ծննդյան օրը մասնակցել խաղերի։

«Եթե անկեղծ` չեմ հասկանում, ինչու են բոլորը խոսում իմ հիանալի մարզավիճակի մասին, մի՞թե այդքան վատ տեսք ունեի նախկինում։ Այսօր բոլորը միահամուռ շնորհավորեցին ինձ թիմում, ՍԿԱ–ի տղաներն էլ խաղից հետո շնորհավորեցին», – ասել է Ալթիբարմաքյանը։

Նա ավելացրել է, որ կանոնավոր լողում է Սև ծովում։

Շախմատի նոր կանոններ, կամ ինչպես հայ հասարակության մեջ արքան լիդեր դարձնել

Նշենք, որ Անդրեյ Ալթիբարմաքյանը ծնվել է Սանկտ Պետերբուրգում, սակայն նրա պապն այնտեղ է տեղափոխվել Աբխազիայից։ Արտասովոր ազգանունը ստացել են Հայոց ցեղասպանությունից հետո. Անդրեյի նախապապը հրաշքով ողջ է մնացել, բայց օսմանյան գերության մեջ զրկվել է 4 մատից։ Այնտեղ նրան թուրքական անուն են տվել` «Ալթի Բարմաք»` «վեց մատանի»։ Այնուհետև նա հայտնվել է Տրապիզոնում, որտեղ այսօր էլ ապրում է տոհմի մյուս` Ալթիբարմաքյանների զուգահեռ ճյուղը։ 1935 թվականին նա տեղափոխվել է Աբխազիա, որտեղ էլ ազգանվանն ավելացրել է «յան» վերջավորությունը։

Ըստ թեմայի

ԽՍՀՄ–ի թիմի միակ հայը. ինչպես Ռոբերտ Խալայջյանը մինչև 19 տ ֆուտբոլի աշխարհի չեմպիոն դարձավ
Իսպանիայի հավաքականը Եվրոպայի մինչև 19 տարեկանների չեմպիոն դարձավ Երևանում
Կրկին մեդալ ունենք. նախարարը լավ լուր է հայտնել
թեգերը:
հաղթանակ, Անդրեյ Ալթիբարմաքյան, հոկեյ, մարզիկ, հայ, Ռուսաստան, սպորտ

Գլխավոր թեմաներ