19:09 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Предматчевая тренировка сборной Армении по футболу (4 сентября 2019). Еревaн

ՈւԵՖԱ-ի նախագահը Երևանում ներկա կլինի Հայաստան-Իտալիա խաղին

© Sputnik / Asatur Yesayants.
Սպորտ
Ստանալ կարճ հղումը
Հայաստան - Իտալիա ֆուտբոլային հանդիպում (18)
44 0 0

ՈւԵՖԱ-ի նախագահ Ալեքսանդր Չեֆերինը ֆուտբոլի Հայաստանի ֆեդերացիայի հրավերով ներկա կլինի այսօր «Հանրապետական» ստադիոնում կայանալիք Եվրո-2020-ի ընտրական՝ Հայաստան-Իտալիա խաղին:

ԵՐԵՎԱՆ, 5 սեպտեմբերի — Sputnik. Այն, որ Հայաստան-Իտալիա խաղը մրցող կողմերի համար շատ կարևոր է, երկու կարծիք լինել չի կարող, սակայն, ինչպես պարզվում է, հայ-իտալական ֆուտբոլային մրցակցությունը հետաքրքրում է նաև ՈւԵՖԱ-ի նախագահին:

Ֆուտբոլի Եվրոպական գերատեսչության ղեկավար Ալեքսանդր Չեֆերինը վերջին անգամ Հայաստան էր այցելել 2017 թվականին, երբ ՀՖՖ նախկին նախագահ Ռուբեն Հայրապետյանի հետ իրականացրին Վաղարշապատի ֆուտբոլային ակադեմիայի հիմնարկեքի խորհրդանշական արարողությունը:

Անկասկած, նման պաշտոնյայի այցելությունը շատ մեծ նշանակություն ու կարևորություն ունի ոչ միայն Հայաստանի, այլև ՈւԵՖԱ-ի անդամ բոլոր երկրների համար: Ֆուտբոլասերները անհամբերությամբ են սպասում Հայաստան-Իտալիա խաղին, քանի որ ընտրական խմբում Հայաստանի հավաքականը նախորդ երկու խաղերում երկու հաղթանակ է տոնել, իսկ Իտալիայի ընտրանին խմբի առաջատարն է` չորս անընդմեջ հաղթանակներից հետո:

Հայաստան-Իտալիա. սպասված հանդիպում. հայտնի հայերը գուշակում են խաղի հաշիվը

Բնականաբար, ՈւԵՖԱ-ի նախագահի ներկայությունը յուրահատուկ շարմ կհաղորդի ֆուտբոլային հանդիպմանը: Թե ինչպես այն կազդի մրցող թիմերի ֆուտբոլիստների խաղի վրա, պարզ կդառնա խաղի ընթացքում: Եվ հրաշալի կլինի, եթե Հայաստանի հավաքականը նման հզոր մրցակցի հետ խաղում ՈւԵՖԱ-ի նախագահի ներկայությամբ գեղեցիկ ֆուտբոլ ցուցադրելով կարողանա հասնել հաջողության:

Նշենք, որ Հայաստան–Իտալիա հանդիպումը կկայանա այսօր` սեպտեմբերի 5-ին, Վազգեն Սարգսյանի անվան «Հանրապետական» մարզադաշտում։ Խաղը կսկսվի 20։00-ին։

թեմա:
Հայաստան - Իտալիա ֆուտբոլային հանդիպում (18)

Ըստ թեմայի

Գյուլբուդաղյանցն ասաց` որն է մեր հավաքականի խնդիրը. Հայաստան–Իտալիա խաղը թեժ է լինելու
Ուզում եմ ստանալ խաղաժամանակ, որն «Արսենալում» ինձ չէին տալիս. Մխիթարյանը` տեղափոխության մասին
Հայաստանի հավաքականի իրական դեմքը վերջին հանդիպումներն են. Իտալիայի հավաքականի գլխավոր մարզիչ
«Փյունիկից» մինչև «Ռոմա». քանի միլիոն է «պտտվում» Հենրիխ Մխիթարյանի տրանսֆերների շուրջ
թեգերը:
Իտալիա, ֆուտբոլ, Երևան, Հայաստան

Գլխավոր թեմաներ