20:29 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Ռոբերտ Պրոսինեչկի

«Մեզ համար շատ դժվար է լինելու Հայաստանի հետ խաղում». Ռոբերտ Պրոսինեչկի

© Sputnik / Asatur Yesayants.
Սպորտ
Ստանալ կարճ հղումը
75 0 0

Բոսնիա և Հերցեգովինայի հավաքականի գլխավոր մարզիչը նկատել է Հայաստանի հավաքականի առաջընթացը, իսկ թիմի առաջատար հարձակվողը հուսով է, որ Մխիթարյանը չի կարողանա իր բոլոր հմտությունները ցուցադրել սպասված խաղում։

ԵՐԵՎԱՆ, 7 սեպտեմբերի – Sputnik. Բոսնիա և Հերցեգովինայի հավաքականի գլխավոր մարզիչ Ռոբերտ Պրոսինեչկին դիտել է Հայաստանի հավաքականի վերջին երկու հանդիպումները և համոզվել, որ Սարաևոյում կայացած առաջին խաղի հետ համեմատ Հայաստանի հավաքականը զգալի առաջընթաց ունի։ Պրոսինեչկին այս մասին ասաց այսօր հրավիրված ասուլիսի ժամանակ։

«Թիմը շատ կոմպակտ պաշտպանվում է, լավ է տիրապետում հակագրոհների տակտիկային և միևնույն ժամանակ շատ վտանգավոր է ընդհանարապես գրոհների ընթացքում։ Անկասկած, յուրաքանչյուր թիմ խաղադաշտ է դուրս գալիս հաղթանակի համար, բայց վաղը մեզ համար շատ դժվար է լինելու Հայաստանի հետ խաղում»,– ասաց նա։

Հավաքականի առաջատար հարձակվող Էդին Ջեկոն էլ, որը խաղում է «Ռոմայում», խոսեց Հենրիխ Մխիթարյանի մասին։

 Капитан сборной Боснии и Герцеговины по футболу Эдин Джеко предматчевой пресс-конференции
© Sputnik / Asatur Yesayants.
Էդին Ջեկո

«Շատ ուրախ եմ,որ Մխիրթարյանի պես ֆուտբոլիստը տեղափոխվել է «Ռոմա», որովհետև ես հարձակվող եմ, և Հենրիխը կարող է թիկունքից շատ օգնել»,– ասաց նա` միևնույն ժամանակ հույս հայտնելով, որ Հենրիխն իր լավագույն որակաները չի կարողանա դրսևորել վաղվա խաղում։

Խոսելով մեր հավաքականի նախորդ` Իտալիայի հավաքկանի հետ խաղի մասին` Ջեկոն նշեց` եթե չլիներ Ալեքսանդր Կարապետյանի հեռացումը, իտալացիների համար խաղը կարող էր դասավորվել ավելի դժվար, և միգուցե այլ արդյունք լիներ։

Ադրբեջանցին դարձել է 2019թ-ի ամենազվարճալի ինքնագոլի հեղինակը. տեսանյութ

Եվրո-2020-ի ընտրական փուլում Հայաստանի հավաքականը սեպտեմբերի 8-ին մրցելու է Բոսնիա և Հերցեգովինայի հետ: Հայաստան-Բոսնիա և Հերցեգովինա հանդիպումը կմեկնարկի ժամը 17-00-ին:

Հիշեցնենք` օգոստոսի 5-ին Երևանի Հանրապետական մարզադաշտում կայացավ Եվրո-2020-ի ընտրական փուլի Հայաստան–Իտալիա ֆուտբոլային հանդիպումը, որն ավարտվեց 1։3 հաշվով՝ հօգուտ Իտալիայի հավաքականի: Խաղի սկզբում՝ 11–րդ րոպեին, Հայաստանի հավաքականից միակ գոլի հեղինակ դարձավ Ալեքսանդր Կարապետյանը, որը, սակայն, առաջին խաղակեսի ժամանակ էլ կարմիր քարտ ստացավ ու լքեց խաղադաշտը։

Գրազ են եկել ու կռվի բռնվել. ինչպես է հայ ֆուտբոլիստը հաղթել վան Դեյքին

Ըստ թեմայի

Հայաստան–Իտալիա խաղի տոմսերը «թռցրել» են. 1000 դրամանոց տոմսը 20 հազարով են վաճառում
Ի՞նչ է տեղի ունեցել Հայաստան–Իտալիա ֆուտբոլային խաղից առաջ. տեսանյութ
Ուզում եմ ստանալ խաղաժամանակ, որն «Արսենալում» ինձ չէին տալիս. Մխիթարյանը` տեղափոխության մասին

Գլխավոր թեմաներ