20:26 23 սեպտեմբերի 2019
Ուղիղ եթեր
  • USD476.26
  • GBP592.56
  • EUR522.98
  • RUB7.44
Հայաստան–Բոսնիա և Հերցոգովինա ֆուտբոլային հաղթանակ

Փայլուն հաղթանակ. Հայաստանի հավաքականը կշարունակի պայքարը Եվրո 2020–ի եզրափակիչ փուլի համար

© Sputnik / Aram Nersesyan ,
Սպորտ
Ստանալ կարճ հղումը
79010

Եվրոպայի 2020 թվականի առաջնության ընտրական J խմբում Հայաստանի հավաքականը սեփական հարկի տակ 4:2 հաշվով տպավորիչ ու դժվարին հաղթանակ տարավ Բոսնիայի և Հերցեգովինայի հավաքականի նկատմամբ:

ԵՐԵՎԱՆ, 8 սեպտեմբերի – Sputnik. Հենրիխ Մխիթարյանի երկու գոլերն ու գոլային փոխանցումն այս խաղում դարձան մեր ընտրանու հաղթաթուղթը: Հայաստան–Բոսնիա և Հերցոգովինա խաղում այսօր գրանցված 4։2 հաշվից հետո մեր հավաքականը վաստակեց ինը միավոր և մրցաշարային աղյուսակում շրջանցեց Բոսնիայի և Հերցոգովինայի ընտրանուն:

Երևանի Վազգեն Սարգսյանի անվան «Հանրապետական» մարզադաշտում ընթացող Եվրո-2020-ի ընտրական J խմբի հերթական խաղը մեր հավաքականի համար շատ լավ մեկնարկ ունեցավ: Երրորդ րոպեին, Տիգրան Բարսեղյանի փոխանցումից հետո, Հենրիխ Մխիթարյանն առաջ մղեց մեր թիմին` խփելով 26-րդ գնդակը հավաքականի կազմում: Բայց խփած գնդակն ավելի ոգևորեց հյուրերին, որոնք առաջին խաղակեսի մնացած ժամանակահատվածում տիրում էին նախաձեռնությանը: Պատասխան գնդակը բոսնիացիները խփեցին խաղի 12-րդ րոպեին: Էդին Ջեկոն վերականգնեց հաշվի հավասարակշռությունը: Իսկ մինչև ընդմիջում հյուրերը մեկ անգամ չէ, որ կարող էին առաջ անցնել հաշվի մեջ: Նույն Ջեկոն, Մուհամեդ Բեշիչը, Միռալեմ Պյանիչը վտանգավոր հարվածներով աչքի ընկան, բայց առաջին կեսում հաշվի մնաց անփոփոխ՝ 1:1:

Երկրորդ խաղակեսի սկզբում մեր հավաքականն անընդհատ սպառնում էր մրցակցի դարպասին` օգտագործելով հեռահար հարվածները: Նախաձեռնությունն անցել էր մեր թիմին: Վտանգավոր պահերը շատ էին, բայց դիպուկ հարվածներն էին պակասում: Եվ այդ հարվածը եղավ, դե իհարկե, Հենրիխ Մխիթարյանի կատարմամբ: Հանդիպման 66-րդ րոպեին, Հովհաննես Համբարձումյանից ստանալով գնդակը, մեր ընտրանու ավագը ներխուժեց տուգանային հրապարակ ու մխրճեց գնդակը բոսնիացիների դարպասի վերին անկյունը:

Սակայն, ինչպես և առաջին խաղակեսում, մեր ուրախությունը երկար չտվեց: Երեք րոպե անց Ամեր Գոյակը նորից վերականգնեց հաշվի հավասարությունը: Բայց մերոնք նորից կամային հատկանիշներ դրսևորեցին, ու 77-րդ րոպեին Հովհաննես Համբարձումյանը, արդեն ստանալով գնդակը Հենրիխ Մխիթարյանից, մեկ հպումով երրորդ գնդակն ուղարկեց հյուրերի դարպասը: Խաղավերջում բոսնիացիները ամեն ինչ արեցին պարտությունից խուսափելու համար: Իսկ հանդիպման յուղոտ վերջնակետը դրեց մեր ընտրանու ավագը: Մխիթարյանի հարվածից հետո Ստիպե Լոնչարը շեղեց գնդակը սեփական դարպասը` այսպիսով 4:2 հաշվով ապահովելով մեր թիմի հաղթանակը: Գեղեցիկ ու ցանկալի հաղթանակ:

Футбольный матч отборочного тура Евро-2020 между сборными Армении и Боснии и Герцеговины
© Sputnik / Aram Nersesyan ,
Հայաստան–Բոսնիա և Հերցոգովինա ֆուտբոլային հաղթանակ

Նշենք, որ Եվրո-2020-ին ընտրական J խմբի հերթական խաղում Հայաստանի հավաքականը Վազգեն Սարգսյանի անվան «Հանրապետական» մարզադաշտում հյուրընկալել էր Բոսնիայի և Հերցեգովինայի ընտրանուն:

Футбольный матч отборочного тура Евро-2020 между сборными Армении и Боснии и Герцеговины
© Sputnik / Aram Nersesyan ,
Հայաստան–Բոսնիա և Հերցոգովինա ֆուտբոլային հաղթանակ

Ըստ թեմայի

Բոլոր ճանապարհները տանում են Ռոմա. Գարիկ Մարտիրոսյանը հաջողություն է մաղթել Մխիթարյանին
Ադրբեջանցին դարձել է 2019թ-ի ամենազվարճալի ինքնագոլի հեղինակը. տեսանյութ
«Ես էլ եմ ձեր նման փողոցում խաղացել». Յուրա Մովսիսյանն այցելել է Երևանի բակերից մեկը․ տեսանյութ
թեգերը:
հաղթանակ, Հենրիխ Մխիթարյան, գոլ, Բոսնիա և Հերցեգովինա, Հայաստան, ֆուտբոլ, ՀՖՖ

Գլխավոր թեմաներ