07:23 29 սեպտեմբերի 2020
Ուղիղ եթեր
  • USD485.66
  • GBP624.12
  • EUR565.55
  • RUB6.16
Սպորտ
Ստանալ կարճ հղումը
178 0 0

Արթուր Ալեքսանյանի կողոսկրը կոտրվել է թուրք ըմբիշի հետ մենամարտի ժամանակ: Լիովին կազդուրվելու համար 1.5-2 ամիս կպահանջվի։

ԵՐԵՎԱՆ, 16 Սեպտեմբեր - Sputnik. Օլիմպիական խաղերի, աշխարհի և Եվրոպայի բազմակի չեմպիոն Արթուր Ալեքսանյանը վնասվածքի պատճառով ամբողջ գիշեր չի քնել, ցավազրկումներով է անցել գիշերը։ Այս մասին հայտնել է Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը։

Արդեն հայտնել էինք, որ Արթուր Ալեքսանյանը` «Սպիտակ արջը», կողոսկրի կոտրվածքի պատճառով չի մասնակցի ըմբշամարտի աշխարհի առաջնության եզրափակչին։

«Երեկ թուրք ըմբիշի հետ մրցման ժամանակ է նա վնասվածք ստացել, որը տաք էր, ու դեռ զգացնել չէր տալիս։ Սակայն երեկոյան ցավերն ուժեղացել են։ Ամբողջ գիշեր չի քնել նա։ Ոչ մեկին չէինք ուզում նեղացնել ու առավոտյան փորձեցինք` Արթուրը սկսեց վազել, նախամարզումներ անել, բայց հասկացավ` ոչ, չի կարող»,–ասաց նա։

Արթուր Ալեքսանյանը` «Ճերմակ արջը», պատրաստ է վնասվածքով պայքարել. կթույլատրե՞ն բժիշկները

Բաղդադյանի խոսքով` Արթուրը գերազանց մարզավիճակում էր, ինչի մասին նաև մասնագետներն են փաստել. նա այս անգամ վստահորեն պետք է հաղթեր։ Սակայն, մյուս կողմից, ըստ Բաղդադյանի, Արթուրի համար շատ դժվար կլիներ, քանի որ կոտրվածքի պատճառով դժվար կլիներ որևէ հնարք անելը։

Նա հույս հայտնեց, որ Արթուր Ալեքսանյանը 1.5-2 ամիս անց լիովին կվերականգնվի։

Սպիտակ արջը բարձրացավ էկրան. չեմպիոնի մայրը՝ մանկության, իսկ Արթուրը՝ նոր ծրագրերի մասին

Հիշեցնենք, որ Արթուր Ալեքսանյանը վնասվածք էր ստացել երեկ` Ղազախստանում ընթացող առաջնության 1/8–րդ եզրափակիչում, երբ գոտեմարտում էր թուրք ըմբիշ Չենք Իլդեմի հետ (գոտեմարտն ավարտեց 4։2 հաշվով)։ Դրանից հետո նա ևս երկու գոտեմարտ անցկացրեց Իրանի ու Վրաստանի ներկայացուցիչների հետ։ Նա, անգամ վնասվածք ստանալուց հետո, երեկ ասել էր, որ պատրաստ է շարունակել ու մասնակցել մրցմանը։ 

Ըստ թեմայի

Գյումրիում չեմպիոն դառնալը գրիպի վարակի պես է. գյումրեցիները դիմավորեցին «մեղավորներին»
Ալեքսանյանը չեմպիոնական ճանապարհին. նա հաղթել է բելառուս, ֆին, թուրք և իրանցի մրցակիցներին
Արթուր Ալեքսանյանի ցավերը փորձելու են մեղմել մեր և մյուս հավաքականների բժիշկները
թեգերը:
Ըմբշամարտի աշխարհի առաջնություն, ըմբիշ, ըմբշամարտիկ, կոտրվածք, Արթուր Ալեքսանյան

Գլխավոր թեմաներ