11:37 15 հոկտեմբերի 2019
Ուղիղ եթեր
  • USD476.44
  • GBP598.27
  • EUR525.85
  • RUB7.42
Генрих Мхитарян празднует свой первый гол в составе Ромы во время футбольного матча Серии А между Ромой и Сассуоло (15 сентября 2019). Рим

Մխիթարյանը նոր արդյունք գրանցելու շանսեր ունի. նա դարձյալ «Ռոմայի» մեկնարկային կազմում է

© AP Photo / Gregorio Borgia
Սպորտ
Ստանալ կարճ հղումը
110 0 0

Հենրիխ Մխիթարյանն այսօր ևս լավ հնարավորություն ունի նոր թիմում դրսևորել իր ֆուտբոլային հմտությունները։ Նա մրցադաշտ դուրս կգա խաղի առաջին վայրկյաններից։

ԵՐԵՎԱՆ, 22 սեպտեմբերի-Sputnik. Երկրորդ անգամ անընդմեջ Հենրիխ Մխիթարյանն  Իտալիայի մայրաքաղաքը ներկայացնող թիմի` «Ռոմայի» մեկնարկային կազմում է: Այս մասին տեղեկանում ենք «Ռոմայի» պաշտոնական կայքից։

Ի տարբերություն Եվրոպայի լիգայի խաղարկության, որտեղ «Ռոման» մրցակցի հարկի տակ հաղթանակ տարավ «Իստամբուլ Բաշակշեհիրի» նկատմամբ, «Ռոմայի» գլխավոր մարզիչ Պաուլու Ֆոնսեկան, Իտալիայի ներքին առաջնությունում իր թիմի մեկնարկային կազմում տեղ է գտել հայ կիսապաշտպանի համար: Մխիթարյանը խաղը կսկսի առաջին վայրկյաններից, և չի բացառվում, որ մեր հավաքականի ավագը նոր արդյունք գրանցի Իտալիայում:

Իտալական Ա սերիայի առաջնության չորրորդ տուրում «Ռոման» մրցակցի հարկի տակ մրցելու է «Բոլոնյայի» հետ:

Հիշեցնենք, որ սեպտեմբերի 15-ին իտալական «Ռոման» Ա Սերիայի 3-րդ տուրում 4։2 հաշվով հաղթանակ տարավ «Սասուոլոյի» նկատմամբ։ Երրորդ գոլի հեղինակը թիմի նորեկ Հայաստանի հավաքականի կիսապաշտպան Հենրիխ Մխիթարյանն էր։

«Դու փայլում ես երջանկությունից». Հենրիխ Մխիթարյանը նոր լուսանկար է հրապարակել «Ռոմայից»

Նշենք, որ Մխիթարյանն առաջին հայ ֆուտբոլիստն է, որը գրավում է մրցակցի դարպասը Իտալական Ա սերիայում:

Հիշեցնենք` սեպտեմբերի 2–ին հայտնի դարձավ, որ անգլիական «Արսենալի» կիսապաշտպան և Հայաստանի ազգային հավաքականի ավագ Հենրիխ Մխիթարյանը վարձակալության իրավունքով իտալական «Ռոմայի» խաղացող է դարձել։ Հայ ֆուտբոլիստի հետ վարձակալության պայմանագիրը կնքել են մինչև այս մրցաշրջանի ավարտը։ Կիսապաշտպանի համար իտալական ակումբը 3 միլիոն դոլար է վճարել։

Ըստ թեմայի

Մխիթարյանի թիմը հաղթում է թուրքական ակումբի հետ հանդիպման առաջին խաղակեսից հետո
Իտալացիները Մխիթարյանի գոլը վայելում են համակարգչային գրաֆիկայի տեսքով
Ինչու հայ ըմբիշներն ավելի լավ արդյունք չգրանցեցին ԱԱ–ում. մեկնաբանում են մարզիչները
«Արսենալը» Մխիթարյանին չի մոռացել. ակումբը հետաքրքիր ձևով է շնորհավորել Անկախության օրը
թեգերը:
«Ռոմա» ֆուտբոլային ակումբ, ֆուտբոլ, Հենրիխ Մխիթարյան, հայեր, հայ, Իտալիա, Հայաստան

Գլխավոր թեմաներ