20:35 20 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Հակոբ Մկրտչյան

Հաղթանա՜կ. Հակոբ Մկրտչյանը դարձավ աշխարհի չեմպիոն

© Sputnik / Asatur Yesayants
Սպորտ
Ստանալ կարճ հղումը
158 0 0

Հայ ծանրամարտիկը ոսկե դուբլ ձևակերպեց. Եվրոպայի չեմպիոնը դարձավ նաև աշխարհի չեմպիոն։ Հայաստանը` ի դեմս Հակոբ Մկրտչյանի, վաստակեց ոսկե երկու մեդալ։

ԵՐԵՎԱՆ, 23 սեպտեմբերի – Sputnik. Ծանրամարտիկ Հակոբ Մկրտչյանն աշխարհի չեմպիոնի կոչման արժանացավ Թաիլանդի Պատայա քաղաքում։

Հրում վարժությունում լարված պայքար էր ծավալվել մի քանի ծանրորդների միջև, բայց Մկրտչյանն այդ հոգեբանական ու տակտիկական պայքարում հավասարը չունեցավ: Երկրորդ մոտեցումով Մկրտչյանն իր գլխավերևում պահեց 208 կգ–ն ու անհասանելի դարձավ բոլոր մրցակիցների համար:

Բաթումիում անցկացված Եվրոպայի առաջնությունում չեմպիոն հռչակվելու ժամանակ Մկրտչյանը հրում վարժությունում ցույց էր տվել 207 կգ արդյունքը, իսկ երկամարտում` 371 կգ: Պատայայում նա զգալիորեն բարելավեց իր արդյունքը: Հրում վարժությունում` 208 կգ և երկամարտում` 375 կգ:

Այսպիսով, 89 կգ քաշային կարգում Հայաստանը` ի դեմս Հակոբ Մկրտչյանի, վաստակեց ոսկե մեդալը։

Հրում վարժությունում հայ ծանրորդներից առաջինը մրցահարթակ դուրս եկավ Դավիթ Հովհաննիսյանն ու գլխավերևում պահեց 190 կգ կշռող ծանրաձողը: Երկրորդ մոտեցումով Հովհաննիսյանը բարելավեց իր արդյունքը հինգ կիլոգրամով՝ 195 կգ, բայց երրորդ մոտեցումից հայ ծանրորդը հրաժարվեց: Երկամարտի 355 կգ արդյունքով Հովհաննիսյանը զբաղեցրեց 12–րդ տեղը: Ի դեպ, Եվրոպայի առաջնությունում Դավիթ Հովհաննիսյանը երկամարտի 360 կգ արդյունքով նվաճել էր բրոնզե մեդալ:

Վաղը ծանրամարտի աշխարհի առաջնությունում մեր ծանրորդներից ելույթ կունենան 102 կգ քաշային Սամվել Գասպարյանը և կանանց մրցումներում 87 կգ քաշային Տաթև Հակոբյանը:

Ըստ թեմայի

Արթուր Ալեքսանյանը դիմել է երկրպագուներին
Ինչու հայ ըմբիշներն ավելի լավ արդյունք չգրանցեցին ԱԱ–ում. մեկնաբանում են մարզիչները
Հովհաննես Բաչկովը դարձավ աշխարհի առաջնության բրոնզե մեդալակիր
թեգերը:
ծանրամարտ, Հայաստան

Գլխավոր թեմաներ