21:00 20 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Ծանրամարտ

Գոռ Մինասյանը դարձավ աշխարհի փոխչեմպիոն, Ռուբեն Ալեքսանյանը` բրոնզե մեդալակիր

© Sputnik / Asatur Yesayants.
Սպորտ
Ստանալ կարճ հղումը
24720

Հայաստանի տղամարդկանց հավաքականն ընդհանուր հաշվարկում զբաղեցրեց չորրորդ տեղը` նվաճելով 4 ոսկե, 4 արծաթե և 4 բրոզե մեդալ:

ԵՐԵՎԱՆ, 27 սեպտեմբերի — Sputnik. Թաիլանդում ընթացող Ծանրամարտի աշխարհի առաջնությանն այսօր գերծանր քաշային Գոռ Մինասյանն ու Ռուբեն Ալեքսանյանը հրաշալի ավարտ ապահովվեցին ծանրամարտի Հայաստանի հավաքականի ելույթներին: Երկամարտի 460 կգ արդյունքով Մինասյանը դարձավ աշխարհի առաջնության արծաթե մեդալակիր, իսկ Ռուբեն Ալեքսանյանը երկամարտի 437կգ արդյունքով եզրափակեց լավագույն եռյակը:

Թաիլանդի Պատայա քաղաքում ավարտվեց ծանրամարտի աշխարհի առաջնությունը: Մրցումների վերջին օրը աշխարհի չեմպիոնը որոշվեց գերծանր քաշային կարգում, որում Հայաստանը ուներ երկու ներկայացուցիչ՝ Գոռ Մինասյանն ու Ռուբեն Ալեքսանյանը: Պոկում վարժությունից հետո Մինասյանը 212կգ արդյունքով երկրորդն էր, իսկ Ալեքսանյանը 192 կգ արդյունքով վեցերորդը:

Հրում վարժությունում հայ ծանրորդները հիանալի շարունակություն տվեցին իրենց ելույթներին: Ռուբեն Ալեքսանյանը հետ բերեց պոկում վարժության ժամանակ կորցրած կիլոգրամներն ու, գլխավերևում պահել 245 կգ-ը, երկամարտում ապահովեց բրոնզե մեդալը:

Սիմոն Մարտիրոսյանն աշխարհի կրկնակի չեմպիոն է

Գոռ Մինասյանը նույնպես հիացրեց` օգտագործելով իր բոլոր մոտեցումները: Ի վերջո, Գոռը բարձրացրեց 248 կգ և երկամարտի 460 կգ արդյունքով նվաճեց աշխարհի փոխչեմպիոնի կոչումը: Հայաստանի տղամարդկանց հավաքականն ընդհանուր հաշվարկում զբաղեցրեց չորրորդ տեղը` նվաճելով 4 ոսկե, 4 արծաթե և 4 բրոզե մեդալ:

Իսկ աշխարհի չեմպիոնի կոչումը` աշխարհի նոր ռեկորդներով` 220 կգ պոկում, 264` հրում և 484 կգ երկամարտի արդյունքով նվաճեց վրացի Լաշա Տալախաձեն

Ըստ թեմայի

Ծանրամարտի աշխարհի առաջնություն. Հակոբ Մկրտչյանը պոկում վարժությունում չորրորդն է
Ծանրամարտի աշխարհի առաջնությունում Սամվել Գասպարյանը վաստակեց փոքր բրոնզե մեդալ
Հայ ծանրամարտիկի նոր հաղթանակը. Սիմոն Մարտիրոսյանն աշխարհի ռեկորդ սահմանեց
թեգերը:
աշխարհի չեմպիոն, չեմպիոն, մեդալ, Գոռ Մինասյան, Ծանրամատի աշխարհի առաջնություն, ծանրամարտ

Գլխավոր թեմաներ