ԵՐԵՎԱՆ, 5 հոկտեմբերի – Sputnik. Ռուս գեղասահորդուհի Ալեքսանդրա Տրուսովան կանանց մենասահքի պատմության մեջ առաջին անգամ մեկ ծրագրում 4 քառակի ցատկ է կատարել` սալխով, լուտց և երկու տուլուպ` եռացատկերով։
Ալեքսանդրան ցատկերը կատարել է Ճապոնիայի Սայթամա քաղաքում անցկացվող Japan Open թիմային մրցաշարում և առաջին հորիզոնականը զբաղեցրել ազատ ծրագրում։ Գեղասահորդուհու արդյունքը 160,53 միավոր է։
Из Инстаграма Нейтана Чена - исторический прокат Александры Трусовой на Japan Open pic.twitter.com/FLmMPTByzT
— Калейдоскоп (@sUXQUiujLXuBavR) 5 октября 2019 г.
Նա գերազանցել է իր հայրենակից Ալինա Զագիտովային (154,41), որը նույնպես մարզվում է Էթերի Տուտբերիձեի մոտ։ Երրորդ հորիզոնականում է հայտնվել ճապոնուհի Ռիկա Կիհիրան (144,76)։
Գեղասահորդ Արթուր Դանիելյանն առաջատար է Զագրեբի Գրան պրիում. տեսանյութ
Մրցաշարում հաղթել է Եվրոպայի հավաքականը (614,73 միավոր), որում ընդգրկված էին Տրուսովան, Զագիտովան, ինչպես նաև իսպանացի Խավիեր Ֆերնանդեսն ու Դենիս Վասիլևը (Լատվիա)։ Երկրորդ տեղը զբաղեցրել է Ճապոնիայի թիմը (602,16), երրորդը` Հյուսիսային Ամերիկայի թիմը (593,42)։
Ամեն ինչ Մեդվեդևայի մասին. Կարեն Ադամյանը 50 անձնական հարց է տվել գեղասահորդուհուն
