ԵՐԵՎԱՆ, 8 հոկտեմբերի - Sputnik. Հոկտեմբերի 8-ին Հայաստանի ֆուտբոլի հավաքականը հերթական մարզումներն անցկացրեց Եվրոպայի առաջնության ընտրական հանդիպումից առաջ:
Վերջերս թիմին միացավ «Հոֆենհայմ» - «Բավարիա» խաղի վերջին հաղթական գոլերի հեղինակ, հարձակվող Սարգիս Ադամյանը, ինչպես նաև Տիգրան Բարսեղյանը, Վարազդատ Արոյանը, Ժոաո Արարատը և Ռումյան Հովսեփյանը:
Հայաստանի հավաքականը հոկտեմբերի 12-ին կխաղա Լիխտենշտեյնի, իսկ հոկտեմբերի 15-ին` Ֆինլանդիայի հետ:
Հնարավո՞ր է հաղթել Ֆինլանդիային. Ջորկաեֆը նշեց Հայաստանի հավաքականի գլխավոր հաղթաթուղթը
Նշենք, որ Եվրո-2020-ի շրջանակում Հայաստանն արդեն տնային հանդիպում է անցկացրել Ֆինլանդիայի հետ և պարտվել 0: 2 հաշվով: Բայց դրանից հետո չորս խաղերից երեքում հաղթել է և այժմ 9 միավորով զբաղեցնում է երրորդ տեղը:
Հոկտեմբերի 15-ին Ֆինլանդիայի հավաքականին հաղթելու դեպքում Հայաստանը նրան կհավասարվի միավորներով, իսկ լրացուցիչ ցուցանիշներով կարող է առաջ անցնել և խմբում զբաղեցնել երկրորդ տեղը։
Անձրևը դարձավ պատճառ. ինչպես Ալեքսանդր Կարապետյանը ֆուտբոլում հասավ իր նպատակին
Եթե այդ ցուցանիշը պահպանենք մինչև ընտրական ցիկլի ավարտը, այն թույլ կտա ավտոմատ կերպով Եվրո-2020 անցնել։ Ընտրական փուլի ավարտին, ներառյալ Ֆինլանդիայի հետ խաղը, 4 խաղ է մնում։
