12:13 22 նոյեմբերի 2019
Ուղիղ եթեր
  • USD476.69
  • GBP617.03
  • EUR528.46
  • RUB7.47
Ֆինլանդիա-Հայաստան ֆուտբոլային հանդիպում

Հայաստանի ազգային հավաքականը զրկվեց Եվրո 2020-ի մասնակցությունից

© REUTERS / LEHTIKUVA
Սպորտ
Ստանալ կարճ հղումը
177 0 0

Հայաստանի հավաքականի խաղն առանց Հենրիխ Մխիթարյանի մեր ընտրանուն Եվրո 2020-ի ընտրական խմբում երկրորդ ուղեգրի համար պայքարելու ոչ մի շանս չթողեց:

ԵՐԵՎԱՆ, 12 հոկտեմբերի — Sputnik. Հայաստանի ֆուտբոլի ազգային հավաքականը Ֆինլանդիայի Տուրկու քաղաքում 0:3 հաշվով պարտվեց Ֆինլանդիայի ընտրանուն ու գործնականում զրկվեց Եվրոպայի առաջնության եզրափակիչ դուրս գալու բոլոր հնարավորություններից:

Հանդիպման սկզբում մեր ֆուտբոլիստները քիչ թե շատ սպառնում էին մրցակցի դարպասին: Բայց տանտիրոջ իրավունքով ֆիններն աստիճանաբար տիրեցին նախաձեռնությանն ու մինչև ընդմիջում հասան իրենց նպատակին: Իհարկե, մրցակցի խփած առաջին գնդակը մեր «նվերն» էր, քանի որ Արամ Հայրապետյանի կոպիտ սխալը անմիջապես օգտագործեց Ֆրեդերիկ Յենսենը: Բայց երկրորդ կեսում մեր հավաքականի խաղն ընդհանրապես հեռու էր «լավը լինելուց»:

Երկու անգամ Ֆինլանդիայի հավաքականը ճեղքեց մեր պաշտպանությունը կենտրոնով, ու երկու դեպքում էլ Անգլիական Պրեմյեր լիգայի ու Ֆինլանդիայի հավաքական ռմբարկուներից մեկը՝ Տեեմու Պուկկին, սառնասրտորեն գնդակը մեր դարպասն ուղարկեց: Ցավոք,  մեր սպասելիքները չարդարացան: Հայաստանի հավաքականը պարտվելով՝ գործնականում զրկվեց  խմբում երկրորդ տեղը գրավելու համար բոլոր հնարավորություններից:

Հայերն արդեն հավաքվել են Տուրկուի մարզադաշտում. երկրպագուի օրագիր. տեսանյութ

Իմաստ էլ չունի հիմա հաշվարկել, թե ինչ կարող է լինել, որ մեր հավաքականը դեռևս հավակնի այդ ցանկալի դիրքին խմբային աղյուսակում: Ֆինները արդեն մեզանից 5 միավոր ավել ունեն: Իսկ Հայաստանի հավաքականին առաջիկայում սպասում է երկու հանդիպում, երկուսն էլ՝ նոյեմբերին: Նախ՝  կհյուրընկալենք Հունաստանին, ապա մրցակցի հարկի տակ կխաղանք Իտալիայի հետ:

Հայաստանի ազգային հավաքականի նախորդ հանդիպումը Լիխտենշտեյնի հետ էր։ Այն ավարտվեց ոչ ոքի` 1։1 հաշվով։

Մեր հավաքականը Լիխտեյնշտեյնի հետ հանդիպումն անցկացրեց առանց թիմի ավագի` Հենրիխ Մխիթարյանի։ 

Սեպտեմբերի 29-ին Իտալիայի Ա Սերիայի 6-րդ տուրի «Լեչե»-«Ռոմա» հանդիպման 87-րդ րոպեին Հայաստանի ազգային հավաքականի ավագ, «Ռոմայի» կիսապաշտպան Հենրիխ Մխիթարյանը վնասվածք էր ստացել և լքել խաղադաշտը։ Մխիթարյանը հոկտեմբերի 1–ին Հռոմում բուժզննման էր ենթարկվել, որի արդյունքում մեր ավագի մոտ ախտորոշվել էր ազդրի երկար առբերիչ մկանի մասնակի վնասվածք։

Հռոմեական ակումբի՝ ՀՖՖ ուղարկած պաշտոնական նամակի համաձայն՝ Հենրիխ Մխիթարյանը, հավանաբար, բաց կթողնի 3 շաբաթ։ 

Ըստ թեմայի

Հայ երկրպագուները եռագույնով «գրոհել» են Բալթիկ ծովը. տեսանյութ
Հայաստանի հավաքականը չկարողացավ հաղթել Լիխտենշտեյնին
«Ցավում ենք, որ չարդարացրինք ձեր սպասելիքները». ՀՖՖ
Հայ երիտասարդներն ուշացել են Հելսինկիի նավից, բայց չեն հուսահատվում. երկրպագուի օրագիր
թեգերը:
Պարտություն, ֆուտբոլ, Ֆինլանդիա, Հայաստան

Գլխավոր թեմաներ