ԵՐԵՎԱՆ, 18 հոկտեմբերի — Sputnik. Հայաստանի հավաքականի և «Ռոմայի» կիսապաշտպան Հենրիխ Մխիթարյանը վնասվածքից հետո իր առաջին մարզումն է անցկացրել։ Այս մասին տեղեկանում ենք ֆուտբոլիստի facebook-յան էջից, որտեղ նա մարզումից լուսանկար է հրապարակել։
Լուսանկարին կից Մխիթարյանը գրառում է կատարել. «Վերադառնում եմ. վերականգնվում եմ վնասվածքից»։
Նշենք, որ «Ռոմայի» հաջորդ հանդիպումը, որին արդեն Հենրիխ Մխիթարյանը կմասնակցի, կկայանա նոյեմբերի 2-ին Հռոմի «Օլիմպիական» ստադիոնում։
Առանց Հենոյի կամ նրա հետ. ում պետք է հաղթի հավաքականը Եվրո-2020–ի եզրափակիչ հասնելու համար
Հիշեցնենք՝ սեպտեմբերի 29-ին Իտալիայի Ա Սերիայի 6-րդ տուրի «Լեչե»-«Ռոմա» հանդիպման 87-րդ րոպեին Հայաստանի ազգային հավաքականի ավագ, «Ռոմայի» կիսապաշտպան Հենրիխ Մխիթարյանը վնասվածք էր ստացել և լքել խաղադաշտը։ Մխիթարյանը հոկտեմբերի 1–ին Հռոմում բուժզննման էր ենթարկվել և մեր ավագի մոտ ախտորոշվել էր ազդրի երկար առբերիչ մկանի մասնակի վնասվածք։
