06:34 14 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Սամվել Բաբայան

Սամվել Բաբայանն ընդունել է մարտահրավերը. նա փորձելու է նվաճել Չինաստանը

© AFP 2018 / TED ALJIBE
Սպորտ
Ստանալ կարճ հղումը
172 0 0

Հայ ֆուտբոլասերն այնքան էլ ծանոթ չէ ֆուտբոլի Չինաստանի առաջնությանը, բայց հիմա արդեն հետաքրքրվելու ու երկրպագելու առիթ կա: Հայազգի մարզիչը, որն իր մարզչական գործունությունը ծավալել է Ուզբեկստանում, աշխատելու է Ասիայի լավագույն առաջնություններից մեկում:

ԵՐԵՎԱՆ, 2 դեկտեմբերի – Sputnik, Խաչիկ Չախոյան. Ուզբեկստանի ազգային հավաքականի նախկին մարզիչ Սամվել Բաբայանը չինական «Չանչուն Յաթայ» ակումբի գլխավոր մարզիչ է նշանակվել և պետք է ապահովի թիմի վերադարձը Չինաստանի բարձրագույն խմբի առաջնություն: Բաբայանը Sputnik Արմենիայի հետ զրույցում խոսել է Չինաստան հրավիրվելու, իր ծրագրերի ու հայկական ֆուտբոլի մասին։

Սամվել Բաբայանը ծնվել ու մեծացել է Ուզբեկստանում, հենց այնտեղ էլ սկսել է մարզչական աշխատանքը և երկու տարի (2015-2017թթ) գլխավորել Ուզբեկստանի ազգային հավաքականը: Բաբայանը հայտնի մարզիչ է Ասիայում, և այն փաստը, որ նա հրավիրվել է Չինաստան, դրա վառ վկայությունն է:

«Երկրորդ անգամ եմ Չինաստանում աշխատելու հրավեր ստանում: Առաջին դեպքում չկարողացա մեկնել, քանի որ գլխավորում էի Ուզբեկստանի հավաքականը: Իսկ հիմա հասկանում եմ, որ այս ամենն ինձ համար մարտահրավեր է: Չէ՞ որ ես առաջին մարզիչն եմ Ուզբեկստանից, որն աշխատելու է Չինաստանում»:

Գաղտնիք չէ, որ այսօր ֆուտբոլի մակարդակը բարձրացնելու համար Չինաստան են հրավիրվում և՛ բարձրակարգ մարզիչներ, և՛ ֆուտբոլիստներ: Եվ նման պայմաններում հաջողության հասնելը գնալով ավելի դժվար է դառնում: Բայց Բաբայանը չի վախենում դժվարություններից ու պատրաստ է բարձրացնել իրեն նետված ձեռնոցը։

«Այժմ Չինաստանի առաջնությունում ներդրվում են ահռելի մեծ գումարներ, ինչն ապահովում է ֆուտբոլային ենթակառուցվածքների ստեղծումը, իսկ համաշխարհային կարգի մարզիչների ու ֆուտբոլիստների ներկայությունը նպաստում է ֆուտբոլի զարգացմանը այս երկրում: Իզուր չէ, որ Չինաստանի տարբեր տարիքային հավաքականներն արդեն հասնում են լուրջ հաջողությունների, իսկ ակումբները` Ասիայի Չեմպիոնների լիգայում»,- հավելեց Բաբայանը:

Թեև նա աշխատել է Հայաստանից բավականին հեռու, բայց կապը հայրենիքի հետ վաղուց է հաստատվել, ու մեր երկրի ազգային հավաքականի ելույթները միշտ էլ հետաքրքրել են հայազգի մարզչին։

«Պատմական հայրենիքիս հետ կապը երբեք չեմ կորցրել: Անկասկած, հետևում եմ Հայաստանի ազգային հավաքականի ելույթներին: Կարծում եմ` հավաքականի վերջին անհաջողությունները չեն խոսում ֆուտբոլային Հայաստանի իրական մակարդակի մասին, այլ կրում են մասնակի բնույթ: Հիմա Հայաստանում անհատները փորձում են ներդրումներ կատարել ֆուտբոլում, և դա, անկասկած, կնպաստի Հայաստանի ֆուտբոլի զարգացմանը: Կարևորն այն է, որ Հայաստանն ունի ֆուտբոլային հարուստ պատմություն ու միշտ էլ ունեցել և ունի տաղանդավոր ֆուտբոլիստներ»,- ասաց Բաբայանը:

Նա հուսով է, որ մոտ ապագայում Հայաստանում ֆուտբոլային նոր նվաճումներ կլինեն։

Ըստ թեմայի

«Ով է մեղավոր, լավ հարց է». հավաքականի կրած պարտությունը Փաշինյանը խոշոր տապալում է կոչում
Մխիթարյանի հետ ու առանց նրա, որն է խնդիրը. Ռոման Բերեզովսկին` ազգային հավաքականի մասին
Արսեն Ջուլֆալակյանը պարտվեց Ռոման Վլասովի հետ գոտեմարտում
Լևոն Արոնյանը երկար մտածել ու որոշել է չմասնակցել Երուսաղեմի Գրան Պրիին
«Մարկո, Ռուբենին ցույց տուր՝ ինչպես անել»․ Ալեքսանդր Գրիգորյանը` «Ուրարտու»-ի 2–րդ խաղին
թեգերը:
Հայաստան, մարզիչ, Չինաստան

Գլխավոր թեմաներ