01:06 28 փետրվարի 2020
Ուղիղ եթեր
  • USD478.49
  • GBP617.20
  • EUR523.13
  • RUB7.28
Սպորտ
Ստանալ կարճ հղումը
12910

Իսրայելում անցկացվող ձյուդոյի մրցաշարով վերսկսվեց Տոկիոյի օլիմպիական խաղերի ուղեգիր վաստակելու պայքարը: Եվրոպայի 2018 թվականի չեմպիոն Ֆերդինանդ Կարապետյանը նույնպես մասնակցում է այդ պայքարին։

ԵՐԵՎԱՆ, 25 հունվարի — Sputnik. Հայ ձյուդոիստ Ֆերդինանդ Կարապետյանը Թել Ավիվում կայացած ձյուդոյի «Գրան Պրի» մրցաշարից կվերադառնա արծաթե մեդալով։

Հունվարի 23-25–ը տևած մրցաշարի ընթացքում նա գեղեցիկ հաղթանակներ տարավ չորս գոտեմարտում, չնայած վնասվածքին, հաղթեց նաև հինգերորդում, բայց հենց այդ վնասվածքի պատճառով չմասնակցեց այսօր կայացած եզրափակիչին` առաջին տեղը զիջելով եզրափակիչ դուրս եկած մյուս մարզիկին` Ֆաբիո Բազիլեին։

Մարզիկն իր ելույթները սկսեց 1/32 եզրափակիչից. հայ ձյուդոիստի մրցակիցը չեխ Յակուբ Եչմինեկն էր: Կարապետյանը գոտեմարտի մեկնարկից 2 րոպե 11 վայրկյան անց մաքուր հաղթանակի հասավ: Հաջորդ գոտեմարտում մրցակիցը ալբանացի Մարկո Մադալոնին էր: Այստեղ էլ հայ ձյուդոիստը մաքուր հաղթանակ տարավ, բայց այս դեպքում` գոտեմարտի ավարտից 44 վայրկյան առաջ:

Фотосессия дзюдоиста Фердинанда Карапетяна в проекте Нац.олимпийского комитета Армении Дорога в Минск
Ֆերդինանտ Կարապետյան

Հաջորդ գոտեմարտում նա հաղթեց ղազախ Ակիլբեկ Սիրիկին, իսկ քառորդ եզրափակիչում մեր ձյուդոիստի դեմ «զենքերը» վայր դրեց շվեդ Թոմի Մակիասը: Կիսաեզրափակիչում էլ Կարապետյանը առավելության հասավ իսպանացի Սալվադոր Կասես Ռոկայի նկատմամբ: Բայց հենց այս գոտեմարտում հայ ձյուդոիստը մատների վնասվածք ստացավ, որի պատճառով էլ չկարողացավ մասնակցել մրցաշարի հաղթողի վճռորոշ գոտեմարտին:

Անկախ ամեն ինչից` «Գրան Պրի» մրցաշարի երկրորդ տեղը պետք է շատ լավ արդյունք համարել Ֆերդինանդ Կարապետյանի համար: Այս կարգի մրցաշարերը շատ կարևոր են օլիմպիական վարկանիշ վաստակելու համար: Ըստ մրցումների ընթացքում զբաղեցրած տեղի` մարզիկը հաշվարկային միավորներ է ստանում, որոնք օգնում են վարկանիշային ցուցակում ավելի բարձր տեղ զբաղեցնելու համար: Օրինակ` հաղթողը ստանում է 350, իսկ երկրորդ տեղը զբաղեցրած մարզիկը, այսինքն` Կարապետյանը, 245 միավոր:

«Տարվա ծանրամարտիկ». Սիմոն Մարտիրոսյանը հավակնում է աշխարհում լավագույնի կոչմանը

Ձյուդոյում օլիմպիական ուղեգիր վաստակելը շատ դժվար է: Յուրաքանչյուր քաշային կարգում օլիմպիական խաղերի մասնակցության իրավունք են ստանում համաշխարհային դասակարգման ցուցակում 1-18 տեղեր զբաղեցնող մարզիկները: Ընդ որում` հաշվի են առնվում 2018 թվականի մայիսից մինչև 2020 թվականի մայիս կայացած մրցումների արդյունքները: Մինչև Թել Ավիվի մրցաշարը Հայաստանի առաջատար Ֆերդինանդ Կարապետյանը վարկանիշային ցուցակում 32-րդն էր: Հայ ձյուդոիստը բարելավեց իր դիրքը` բարձրանալով մեկ աստիճանով:

Առջևում վարկանիշային հերթական մրցաշարերն են լինելու` փետրվարի 8-9–ը Փարիզում և փետրվարի 21-23-ը Դյուսելդորֆում: Այս մրցումներում էլ հաջողության հասնելու դեպքում Կարապետյանը արդեն կարող է օլիմպիական ուղեգիր վաստակել: Այն, որ հիմա հայ մարզիկը 31-րդն է վարկանիշային ցուցակում, դեռ վերջնական արդյունքը չէ: Օլիմպիական չեմպիոն Ֆաբիո Բազիլեն, որը հաղթեց Թել Ավիվում, 22-րդն է վարկանիշային ցուցակում: Այնպես որ Կարապետյանը դեռևս կարող է օլիմպիական ուղեգիր վաստակել:

Ձյուդոյի միջազգային ֆեդերացիան վարկանիշային աղյուսակը վերջնական տեսքի կբերի և կհրապարակի 2020 թվականի մայիսի 25-ին: Խաղերի իրավունք կստանան առաջին 25 տեղերը զբաղեցրած մարզիկները:

Ինչեր չեն անում հայ պատանիները Մխիթարյանին նմանվելու համար, կամ փոքրիկ Զառայի երազանքը

Հիշեցնենք` 2019 թվականին ՀՀ կառավարության որոշմամբ Ֆերդինանդ Կարապետյանն ազատվել էր զինծառայությունից։ Նրան տարկետում էին տվել, որպեսզի կարողանա պատրաստվել Տոկիոյում կայանալիք օլիմպիական խաղերի վարկանիշային մրցաշարերին։

Իսրայելում անցկացված մրցաշարում Կարապետյանը Հայաստանի միակ ներկայացուցիչն էր։

Ըստ թեմայի

ՄաքԳրեգորը մարտի մեկնարկից 40 վայրկյան անց նոկաուտի ենթարկեց հակառակորդին. տեսանյութ
Արթուր Ալեքսանյանը հաղթել է ադրբեջանցի մարզիկին և ոսկե մեդալ նվաճել
ԵԱՏՄ երկրների պրոֆեսիոնալ մարզիկները Ռուսաստանում լեգեոներ չեն համարվի

Գլխավոր թեմաներ