07:18 10 հուլիսի 2020
Ուղիղ եթեր
  • USD486.60
  • GBP615.69
  • EUR551.22
  • RUB6.87
Սպորտ
Ստանալ կարճ հղումը
343 0 0

«Արարատ» ֆուտբոլային ակումբի շուրջ հերթական սկանդալն է հասունանում։  Այս անգամ թեման  Ձորաղբյուրի մարզաբազան է:

ԵՐԵՎԱՆ, 6 ապրիլի –Sputnik. «Արարատ» ֆուտբոլային ակումբին պատկանող Ձորաղբյուրի մարզաբազան չի վաճառվել ու չի էլ վաճառվի։ Այն պատկանում է «Արարատի» սեփականատեր, ակումբի նախագահ Հրաչ Կաբրիելյանին, պարզապես ի սկզբանե իր մեկ այլ ընկերության վրա է գրացված եղել։

Այս տեղեկությունը Sputnik Արմենիայի հետ զրույցում հայտնեց «Արարատ» ՖԱ սպորտային տնօրեն Տիգրան Ղարաբաղցյանը` պատասխանելով «Բալթյան մեդիախումբ» ընկերության նախագահ, «Նյուս Մեդիա» ընկերության գլխավոր տնօրեն Արամ Գաբրիելյանովի երեկվա հայտարարությանը։ Ղարաբաղցյանի խոսքով` վաճառքի մասին խոսակցությունները չեն համապատասխանում իրականությանը։

Նշենք, որ Ռուսաստանի մեդիա ոլորտում հայտնի Արամ Գաբրիելյանովը ապրիլի 5-ին հանդես եկավ հայտարարությամբ, որում ֆուտբոլասերներին վստահեցրեց, որ Ձորաղբյուրում գտնվող «Արարատ» ՖԱ-ի մարզաբաազան այլևս թիմին չի պատկանում:

Հայաստանի ֆուտբոլի ֆեդերացիան մրցաշրջանն ավարտելու երեք տարբերակ է առաջարկում

Արամ Գաբրիելյանովը մեղադրում է «Արարատ» ՖԱ սեփականտիրոջը ակումբին պատկանող մարզաբազան վաճառելու մեջ: Նա հավաստիացնում է, որ մարզաբազայի հողատարածքը վաճառվել է, բայց չի նշում, թե ում:

 «Արարատ» ակումբն այսօր պատասխան հայտարարություն արեց, որում սակայն այս հարցի պատասխանը կոնկրետ չկար, այլ ուղղակի նշված էր, թե ով է Գաբրիելյանովը և ինչով է իրավասու զբաղվել։

Մխիթարյանը պատրա՞ստ է քիչ ստանալ, բայց մնալ «Ռոմայում». Հենրիխի տրանսֆերային ոդիսականը

Նշենք, որ Ձորաղբյուրի մարզաբազան հիմնվել է ԽՍՀՄ տարիներին հատուկ «Արարատ» թիմի համար, որը հանդես էր գալիս ԽՍՀՄ բարձրագույն խմբում։

Ըստ թեմայի

«Փոքր ժեստերը միավորում են մեզ». Մխիթարյանը միացել է կորոնավիրուսի դեմ պայքարի կոչին
«Մարդկային կյանքի հետ ոչ ոք իրավունք չունի խաղալու». օլիմպիականները` Տոկիո 2020-ի մասին
«Ճերմակ արջը» զուգարանի թղթով ֆուտբոլ է խաղում. զվարճալի տեսանյութ
թեգերը:
ֆուտբոլ, մարզադաշտ, «Արարատ» ՖԱ

Գլխավոր թեմաներ