ԵՐԵՎԱՆ, 8 հունիսի – Sputnik. Հայկական շախմատի առաջատար խաղացող Լևոն Արոնյանը հաղթանակով է մեկնարկել արագ շախմատի Clutch Chess International առցանց մրցաշարը, որը կազմակերպել է ամերիկյան Սենտ Լուիս քաղաքի շախմատային ակումբը։
Ռուսաստանցի Ալեքսանդր Գրիշչուկի հետ միկրոխաղը, որը բաղկացած էր վեց պարտիայից, Արոնյանը պարտությամբ էր սկսել, սակայն երրորդ պարտիայում հավասարեցրել էր հաշիվը, իսկ վեցերորդում` հաղթել սև խաղաքարերով։ Երկրորդ, չորրորդ և հինգերորդ պարտիաները ոչ–ոքի են ավարտվել։
What a rollercoaster of a game! #ClutchChess pic.twitter.com/ifRaE4zu9c
— Saint Louis Chess Club (@STLChessClub) June 7, 2020
Մրցաշարի կանոնների համաձայն` Արոնյանն ու Գրիշչուկը ևս 6 պարտիա կխաղան` վիճարկելով կիսաեզրափակիչի ուղեգիրը։
Քառորդ եզրափակիչի մյուս խաղերում աշխարհի չեմպիոն Մագնուս Կառլսենը հաղթել է ամերիկացի Ջեֆրի Սյոնգին (4,5:3,5), ԱՄՆ–ի ներկայացուցիչ Ուեսլի Սոն` ֆրանսիացի Մաքսիմ Վաշյե–Լագրավին (5,5:2,5), ամերիկացի Ֆաբիանո Կարուանան էլ` մյուս ամերիկացուն` Լենիեր Դոմինգեսին։
Քոնոր ՄաքԳրեգորը 3-րդ անգամ հայտարարեց կարիերայի ավարտի մասին. այս անգամ` ինչո՞ւ
Մրցաշարի մրցանակային ֆոնդը 265 հազար դոլար է։
Ջորկաեֆ ավագը հայերի հետ ոչ–ոքի խաղաց դաշտում և հայուհու հետ հաղթեց անձնական կյանքում
