Երևան, 27 օգոստոսի - Sputnik. Ռումինական «Ստյաուայի» հետ պայքարում «Շիրակը» ստեղծեց գոլային բազմաթիվ պահեր, բայց դրանցից ոչ մեկը չօգտագործեց և երեք գնդակ ընդունեց սեփական դարպասը․ մեր թիմը պարտվեց 0:3 հաշվով:
Չնայած նրան, որ «Շիրակը» խաղում էր մրցակցի հարկի տակ, մեր թիմը շատ համարձակ ֆուտբոլ էր: Մեկ խաղով դիմակայության հաղթողին որոշելու համար, իհարկե, շատ բան է փոխվում: Նոր կանոնակարգով կարևոր է ոչ միայն մրցակցի հարկի տակ խփած գնդակը․ հաղթելու համար պետք է ավելի շատ գոլ խփել, քան մրցակիցը: Եվ հենց այս սկզբունքով առաջնորդվելով Գյումրու թիմը մի քանի անգամ մոտ էր հաշիվը բացելուն, բայց Մորի Կոնեյի ու Ուրոշ Նենադովիչի հարվածները «Ստյաուայի» պաշտպանն ու դարպասապահը կարողացան շեղել դեպի անկյունային: Ռումինական թիմը զգաց, որ «Շիրակի» նկատմամբ հաղթանակի հասնելը հեշտ չէ:
Ցավոք, մինչև ընդմիջում «Շիրակը» տակտիկական սխալ թույլ տվեց պաշտպանությունում, ու Դարիուշ Օլարուն բացեց հաշիվը: Առաջին խաղակեսում հայկական թիմը համենայնդեպս արժանի չէր պարտության, որովհետև ավելի շատ ռեալ գոլային պահեր ունեցավ: Ինչևէ, մերոնք սխալվեցին, իսկ մրցակիցը ոչ:
Երկրորդ խաղակեսի սկզբում «Շիրակը» շատ մոտ էր հաշիվը հավասարեցնելուն, բայց Նենադովիչի հարվածից հետո հիանալի ռեակցիա ցուցադրեց «Ստյաուայի» դարպասապահ Դանիել Վլադը: Ու գործեց ֆուտբոլում չգրված օրենքը՝ չես խփում դու, խփում են քեզ: Խաղի 65-րդ րոպեին Հրայր Մկոյանը խախտեց կանոնները սեփական տուգանային հրապարակում, և նշանակված 11 մետրանոցը իրացնելով Ֆլորին Տանասեն «Ստյաուայի» առավելությունը զարգացրեց, ու մոտեցրեց իր թիմին հաղթանակին: Իսկ խաղի վերջակետը դրեց Ալեքսանդրու Բուզյուկը՝ 3:0:
«Ալաշկերտն» էլ հետևեց «Նոային»․ Երևանում ավելի ուժեղ գտնվեց Մակեդոնիայի «Ռենովան»
«Շիրակը» պարտվեց խոշոր հաշվով, չնայած խաղի մեկնարկում լիահույս էինք, որ կարող ենք դրական արդյունք գրանցել: Հայկական երեք թիմերի պարտությունները Եվրոպայի լիգայի որակավորման առաջին փուլում արտացոլում են Հայաստանի առաջնության խաղային իրական մակարդակը: Երեք խաղում մեր թիմերը միասին խփել են մեկ գնդակ, ու սեփական դարպաս ընդունել ութը:
«Նոան» տխուր է. թիմը պարտվեց «Կայրաթին»
Միակ թիմը, որը դեռևս խաղալու է Եվրոպայի լիգայի մրցաշարում դա «Արարատ-Արմենիան» է, որը անհաջողության է մատնվել Չեմպիոնների լիգայում: Այսինքն՝ հայկական բոլոր՝ չորս թիմերն էլ պարտվեցին իրենց առաջին խաղերում:
