ԵՐԵՎԱՆ, 25 դեկտեմբերի – Sputnik. Հայաստանի ֆուտբոլի ֆեդերացիան ամփոփել է «Տարվա լավագույն ֆուտբոլիստ» անվանակարգում 2020 թվականի քվեարկության արդյունքները: Հայաստանի ֆուտբոլի ֆեդերացիայի մամուլի ծառայությունը հայտնում է, որ հավաքելով 133 միավոր` Հայաստանի 2020 թվականի լավագույն ֆուտբոլիստ է ճանաչվել ազգային հավաքականի ավագ և իտալական «Ռոմայի» կիսապաշտպան Հենրիխ Մխիթարյանը, որը 10-րդ անգամ է արժանանում այս կոչմանը:
79 միավորով երկրորդ հորիզոնականում է Հայաստանի ազգային հավաքականի և ղազախական «Աստանայի» կիսապաշտպան Տիգրան Բարսեղյանը:
25 միավորով երրորդ տեղում է Հայաստանի ազգային հավաքականի և Սլովակիայի «Ժիլինա» ակումբի կիսապաշտպան Վահան Բիչախչյանը:
4-րդ հորիզոնականում է Վարազդատ Հարոյան («Տամբով», Ռուսաստան), 5-րդում` Դավիթ Յուրչենկոն («Շախտյոր» Կարագանդա,Ղազախստան), 6-րդում` Սարգիս Ադամյանը («Հոֆֆենհայմ», Գերմանիա), 7-րդում` Կարեն Մուրադյանը («Արարատ»), 8-րդում` Խորեն Բայրամյանը («Ռոստով», Ռուսաստան), 9-րդում` Արտակ Գրիգորյանը («Ալաշկերտ»)։
Տասնյակը եզրափակում է Արշակ Կորյանը («Խիմկի», Ռուսաստան)։
«Արարատ–Արմենիայի» ֆուտբոլիստներից մեկը հատուկ մրցանակի է արժանացել Պորտուգալիայում
