09:55 26 հունվարի 2021
Ուղիղ եթեր
  • USD518.36
  • GBP708.60
  • EUR629.39
  • RUB6.88
Սպորտ
Ստանալ կարճ հղումը
64 0 0

Airthings Masters-ը երկու փուլով է անցկացվում․ նախ ընտրություն՝ շրջանաձև մրցաշարի ձևաչափով, այնուհետև վեց լավագույնները նոկաուտ-համակարգով կորոշեն հաղթողին։

ԵՐԵՎԱՆ, 28 դեկտեմբերի – Sputnik. Հայկական շախմատի առաջատար Լևոն Արոնյանը հայտնվել է Airthings Masters շախմատային առցանց մրցաշարի եզրափակիչում։

Վերջին խաղային օրը հայ շախմատիստը ոչ ոքի է խաղացել հնդիկ Պենտալա Հարիկրիշնայի, ռուս Դանիիլ Դուբովի հետ և պարտվել է իսպանացի Դավիդ Գիխարոյին։ Հավաքելով 11 հնարավորից 5,5 միավոր՝ Արոնյանը գրավել է վեցերորդ տեղը։ Դա նրան թույլ է տվել դուրս գալ մրցաշարի եզրափակիչ, որտեղ պայքարն ընթանալու է նոկաուտ համակարգով։

Արոնյանից բացի, Airthings Masters-ում հանդես են գալիս աշխարհի չեմպիոն Մագնուս Կառլսենը (Նորվեգիա), Յան Նեպոմնյաշչին (Ռուսաստան), Մաքսիմ Վաշյե-Լագրավը (Ֆրանսիա), Ալեքսանդր Գրիշչուկը (Ռուսաստան), Ուեսլի Սոն (ԱՄՆ), Անիշ Գիրին (Նիդեռլանդներ), Հիկարու Նակամուրան (ԱՄՆ), Պենտալա Հարիկրիշնան (Հնդկաստան), Դանիիլ Դուբովը (Ռուսաստան),Դավիդ Անտոն Գիխարոն (Իսպանիա) և Թեյմուր Ռաջաբովը (Ադրբեջան)։

Play Magnus Group-ի կազմակերպած մրցաշարը մեկնարկել է դեկտեմբերի 26-ին և կավարտվի հունվարի 3-ին։ Airthings Masters-ն անցկացվում է երկու փուլով․  նախ ընտրություն՝ շրջանաձև մրցաշարի ձևաչափով, այնուհետև վեց լավագույնները նոկաուտ-համակարգով կորոշեն հաղթողին։ Նոկաուտի յուրաքանչյուր փուլում անցկացվում է 2 հանդիպում՝ 4 արագ պարտիայով, թայ-բրեյք՝ 2 բլից-պարտիա, անհրաժեշտության դեպքում՝ արմագեդոն։

Հայ աշակերտն ԱՄՆ-ում շախմատի օգնությամբ դրամահավաք է կազմակերպել Արցախին օգնելու համար

Մրցաշարի մրցանակային ֆոնդը կազմում է 200 հազար դոլար, հաղթողը 60 հազար դոլար կստանա։

Ըստ թեմայի

«Մատ տեռորին». Արոնյանն ու ընկերները կրկին գումար են փոխանցել «Հայաստան» հիմնադրամին
Հավատում եմ, որ սա կլինի պատմության մեջ մեր վերջին անհաջողությունը. Լևոն Արոնյան
Լևոն Արոնյանը շնորհավորել է հանգուցյալ կնոջ` Արիաննայի ծննդյան օրը
թեգերը:
Լևոն Արոնյան, մրցաշար, շախմատ

Գլխավոր թեմաներ