16:58 27 հունվարի 2021
Ուղիղ եթեր
  • USD518.16
  • GBP711.59
  • EUR628.06
  • RUB6.89
Սպորտ
Ստանալ կարճ հղումը
179 0 0

Գիլոյանը ցանկանում է Մարտունի քաղաքում մասնակցել վերակառուցված մարզադպրոցի բացման արարողությանը։ Սա նրա առաջին խնդիրն է նոր պաշտոնում։

ԵՐԵՎԱՆ, 30 դեկտեմբերի - Sputnik. ՀՀ կրթության, գիտության, մշակույթի և սպորտի նորանշանակ փոխնախարար Կարեն Գիլոյանի առաջին քայլը կլինի Արցախում վերանորոգված մարզադպրոցի բացմանը մասնակցելը։ Այդ մասին Sputnik Արմենիայի հետ զրույցում ասաց ինքը՝  Գիլոյանը։

Նշենք, որ երկարամյա մարզական մեկնաբանը նախարարությունում համակարգելու է սպորտի զարգացման հետ կապված հարցեր։

Նա ընդգծեց, որ երբեք քաղաքականությամբ չի զբաղվել ու որևէ կուսակցության անդամ չի եղել։

«Ամբողջ կյանքս սպորտում է եղել։ Ուժերիս ներածի չափ ամեն ինչ կանեմ, որ օգտակար լինեմ հայկական սպորտին»,-ասաց նա։

Ամանորը նա պատրաստվում է դիմավորել Արցախում, ու մեկնելու պատրաստություններ է տեսնում։ Մարտունիում նա մասնակցելու է վերակառուցված մարզադպրոցի բացմանը, որն ավիրվել էր պատերազմի ժամանակ։

Հիշեցնենք, որ մինչ այդ նախարարությունում սպորտի բնագավառը համակարգում էր Գրիշա Թամրազյանը։

Հավելենք, որ Գիլոյանը ԿԳՄՍ փոխնախարար է նշանակվել դեկտեմբերի 29-ին։

Ըստ թեմայի

«Սա իմ բոլոր թիմակիցների վաստակն է»․ Մխիթարյանը՝ լավագույն ֆուտբոլիստ ճանաչվելու մասին
Պատանի հայ ըմբիշները 4 մեդալ են նվաճել Մոսկվայում
Լևոն Արոնյանն առցանց մրցաշարում հաղթեց ամերիկացի Հիկարու Նակամուրային
թեգերը:
փոխնախարար, սպորտ, Արցախ, Կարեն Գիլոյան

Գլխավոր թեմաներ