ԵՐԵՎԱՆ, 10 ապրիլի – Sputnik. Հայաստանի հավաքականի և «Ռոմայի» կիսապաշտպան Հենրիխ Մխիթարյանն ապաքինվել է վնասվածքից:
VNews.am-ին հայտնի է դարձել, որ 32-ամյա ֆուտբոլիստը մասնակցելու է «Բոլոնիայի» դեմ ապրիլի 11-ին կայանալիք խաղին:
Կայք տեղեկություններով՝ Մխիթարյանը պատրաստ է եղել մասնակցելու նաև երեկ «Այաքսի» դեմ կայացած Եվրոպա լիգայի քառորդ եզրափակիչի արտագնա հանդիպմանը (2:1), սակայն ակումբն ու ֆուտբոլիստը համատեղ որոշել են ռիսկի չդիմել ու մի քանի օր էլ հետաձգել վերադարձը:
«Ռոմայի» առաջատարը սրունքի վնասվածք է ստացել մարտի 12-ին Դոնեցկի «Շախտյորի» դեմ 1/8 եզրափակիչի խաղում: