17:02 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
ՀԱՄՈՎ ՀԱՅԱՍՏԱՆ

Համով Հայաստան․ ինչպես պատրաստել իշթար քյաբաբ` հայկական մատուցմամբ

Ստանալ կարճ հղումը
Հայկական խոհանոցի բաղադրատոմսեր (64)
56710

Արևելյան խոհանոցի իշթար քաբաբ ուտեստը մեծ պահանջարկ ունի ոչ միայն հայերի, այլև զբոսաշրջիկների շրջանում։ Շեֆ խոհարար Սարգիս Բերբերյանն ասում է, որ այն սիրվել է համեմունքների զարմանալի համադրության ու յուրահատուկ համի շնորհիվ։

Sputnik Արմենիայի թղթակիցները «Համով Հայաստան» խոհարարական նախագծի շրջանակում այցելել են այն ռեստորանը, որտեղ աշխատում է Սարգիսը ու իմացել են՝ ինչպես իշթար քաբաբ պատրաստել։ Ուտեստի բաղադրատոմսն ու պատրաստման նրբությունները մեզ ներկայացրել է հենց տնօրենը։

25–ամյա Բերբերյանը փոքրուց սիրել է պատրաստել։ Նա Սիրիայից հայրենադարձվել է երեք տարի առաջ։ Չնայած պատմական հայրենիքում հանդիպած բարդություններին՝ Սարգիսն արդեն շատ բաների է հասել ու մտադիր է ընդմիշտ մնալ այստեղ։

«Սա իմ տարերքն է։ Մտնում եմ խոհանոց ու մոռանում ամեն ինչի մասին։ Սիրում եմ աշխատանքս», - ասաց Բերբերյանը  Sputnik Արմենիայի թղթակցի հետ զրույցում։

Իշթար քաբաբ պատրաստելու համար պետք է սմբուկ, լոլիկ, կարագ, սերուցք, պանիր, համեմունքներ, պղպեղ, քունջութ, աղացած միս։

Սկզբում սմբուկը շարում ենք շամփուրի վրա և մանղալի վրա տապակում։ Եթե մանղալ չկա, կարելի է գազի վառարանի վրա պատրաստել։ Հետո մաքրում ենք այն ու փոքր խորանարդներով կտրատում։ Թավան կրակի վրա ենք դնում, շարում ենք կարագն ու սմբուկը, տապակում ենք։ Սերուցք ենք ավելացնում, դրանք ուտեստին ավելի փափուկ ու նուրբ համ են հաղորդում։

Հանում ենք կրակի վրայից ու սկսում ենք քաբաբ պատրաստել։ Նախապես պատրաստած ֆարշը շարում ենք շամփուրի վրա ու 10 րոպե եփում ենք մանղալին։

Կավե ամանի մեջ շարում ենք սմբուկը, հետո կտրած լոլիկը։ Քաբաբ ենք ավելացնում, վերևից պանիր ենք դնում ու այդ ամենը ծածկում ենք խմորով։ Վրան քսում կարագ, ցիր ու ցան լցում ենք քունջութ ու թողնում ենք վառարանում հինգ րոպե, մինչ մի թեթև կարմրի։

Բարի ախորժակ։

թեմա:
Հայկական խոհանոցի բաղադրատոմսեր (64)

Ըստ թեմայի

Յունական «համով», հայկական ոգիով. ինչպէս վանաձորցի ընտանիքը հրուշակարան բացաւ
Համով Հայաստան․ «մատներն էլ հետը կուտեք». ինչու է Գավառի քյուֆթան ամենալավը
Համով Հայաստան. «Հրակեզ սերկևիլ» կամ հայկական թագավորական աղանդերի գաղտնիքը
թեգերը:
Հայաստան

Այլ տեսանյութեր

Գլխավոր թեմաներ